Լավագույնը հարաբերությունների և սիրո մասին: Ռեալ ժամանակի պայմաններում:

Ինչպե՞ս ընտրել մասնագիտություն

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Երբևէ մտածել ես` արդյոք ճի՞շտ մասնագիտություն ես ընտրել: Փորձագետներն առաջարկում են մի քանի եղանակներ` պարզելու, արդյոք անձը իր գործով է զբաղվում:

Անհամապատասխանության վերլուծություն
Ձեր աշխատանքային ոճի նախընտրությունները մեծապես որոշում են Ձեր մասնագիտությունը: Օրինակ, կան մարդիկ, ում համար անտանելի է վաղ առավոտյան աշխատանքի գնալը: 🙁 Յուրաքանչյուրը պատճառներ ունի, որի հետևանքով մի մասնագիտություն նրան համապատասխանում է ավելի շատ, քան մյուսը: Անհրաժեշտ է միայն պարզել ներքին խոչընդոտները, որոնք թույլ չեն տալիս մարդուն աշխատել այս կամ այն ոլորտում: Հոգեբանները խորհուրդ են տալիս վերլուծել մի կողմից Ձեր նախընտրությունների և կարիքների, մյուս կողմից՝ կարիերային պահանջների անհամապատասխանությունը:

Այցելություն ազատ տեղերի տոնավաճառ
Ձեզ հետաքրքրող մասնագիտությունների մասին տեղեկանալու ամենալավ վայրը՝ ազատ տեղերի տոնավաճառն է: Ազատ տեղերի տոնավաճառ այցելելով` կիմանաք, թե աշխատաշուկայում որ մասնագիտություններն ավելի մեծ պահանջարկ ունեն:
Ինչպես ասում է ամերիկացի հոգեբան Կարլ Արլրիկսը, ով զբաղվում է Նյու-Յորքյան ընկերությունների համար աշխատակազմ ընտրելով, Դուք կարող եք զարմանալ, թե ինչքան մասնագիտություններ կան, որոնց մասին նույնիսկ չէիք լսել, սակայն որոնք լավ համապատասխանում են Ձեզ: Նույնիսկ հասարակ մատուցողուհին հեշտությամբ կարող է թեյի արարողության գծով մասնագետ դառնալ: 🙂

Անձի հատկությունների թեստավորում
Գոյություն ունեն տասնյակ թեստեր անձի հատկությունները որոշելու համար: Պատասխանելով ձգտումների, տիրապետությունների և վերահսկման մասին հատուկ հարցերին`որոշվում են ներքին ցանկությունների և ձգտումների դրդապատճառները և մարդուն համապատասխանող մասնագիտության տեսակը:

Իսկ դու գիտես, որ կան մասնագիտություններ, որոնք բավականին պահանջված են այսօր և որոնց կարելի է տիրապետել գրեթե ցանկացած տարիքում: Դրանցից են, օրինակ, անշարժ գույքի գործակալը, լուսանկարիչը, հանդիսությունների կազմակերպիչը, տուր մենեջերը և զբոսավարը, դիզայները, բլոգերը և մի շարք ուրիշներ:

Ի դեպ, եթե այնուամենայնիվ երիտասարդ մասնագետը սխալվում է իր նախասիրությունների և ընտրած մասնագիտության մեջ և ցանկանում է ուժերը փորձել նոր ոլորտում, շա՛տ լավ: Չէ՞ որ այսօր շատ մասնագիտություններ կարելի է ձեռք բերել նաև հասուն տարիքում, նույնիսկ առցանց կրթության պայմաններում: Կարևորը ցանկությունն է: 🙂

Եվ իհարկե, պետք է մոտիկից ծանոթանալ նախընտրած մասնագիտության տեր մարդկանց հետ և անցնել որոշակի պրակտիկա: