Լավագույնը հարաբերությունների և սիրո մասին: Ռեալ ժամանակի պայմաններում:

Հրավիրում ենք պարելու…

Այլ նորություններ

Շրջակա միջավայրի համաշխարհային օր
ՄԱԿ-ի Գլխավոր վեհաժողովի 27-րդ նստաշրջանում 1972թ.-ին հունիսի 5 հռչակվել է շրջակա միջավայրի համաշխարհային օր (World Environment Day) : 2004թ.-ից Հայաստանում այն նշվում է որպես բնապահպանի օր: Այս օրը բնապահպանները ու բնապահպանական կազմակերպությունները ևս մեկ անգամ հանրության ուշադրությունն են հրավիրում բնապահպանական խնդիրների և շրջակա միջավայրի պահպանության վրա։   Այս տարի օրվա խորհուրդն է` ՎԵՐԱԻՄԱՍՏԱՎՈՐԵԼ: ՎԵՐԱՍՏԵՂԾԵԼ: ՎԵՐԱԿԱՆԳՆԵԼ Մենք չենք կարող վերադառնալ անցյալ և ուղղել մեր սխալները: Բայց մենք կարող ենք աճեցնել ծառեր, վերականգնել այգիներ, մաքրել մեր գետերը, անտառները…
Տեղադրված է 07.06.2021 , 14:13…  ավելին →

Այսօր տարբեր երկրներում նշվում է պարի միջազգային օրը (International Dance Day):  UNESCO-ի որոշմամբ օրը նշվում է 1982թ. ապրիլի 29-ից` նպատակ ունենալով հիշեցնելու մարդկանց պարի  գեղեցկության մասին:

Այդ օրը` ապրիլի 29-ին ծնվել է ֆրանսիացի բալետմայստեր Ժան Ժորժ Նովելը, ով մտել է պատմության մեջ որպես ժամանակակից բալետի սկզբունքների հիմնադիր:

 

Պարը միավորում է տարբեր քաղաքական, մշակութային, ազգային պատկանելություն ունեցող մարդկանց: Օրվա խորհուրդը` պարի հիասքանչ լեզուն օգտագործելն է մարդկանց և ժողովուրդների բարեկամության, խաղաղության և միասնության նպատակով` քաղաքական, մշակութային և էթնիկ սահմաններից դուրս:

 

Իսկ դու գիտե՞ս, որ պարը մարզանքի հաճելի և օգտակար տարբերակ է:

Այն օգնում է ձևավորել գեղեցիկ կեցվածք և ազատվել ավելորդ քաշից, զարգացնում է շարժումների կոորդինացիան, ամրապնդում է ոսկրերն և մկանները, լավացնում շնչառական և սիրտանոթային համակարգերի աշխատանքը, բարձրացնում է օրգանիզմի դիմադրողականությունը: Պարը նաև խթանում է երջանկության հորմոնների արտադրությունը:

 

Կարծում ենք` գրեթե յուրաքանչյուր մարդ սիրում է պարել, հատկապես ուրախ և լավ շրջապատում:

Ուրեմն, բոլորս` դեպի պարահրապարակ, պարելու և կիսելու դրական հույզերը: Եթե դու դեռ չես պարում, այսօր լավ առիթ է սկսելու 🙂