Լավագույնը հարաբերությունների և սիրո մասին: Ռեալ ժամանակի պայմաններում:

Հետաքրքիր փաստերի շարքից

Այլ նորություններ

«Սև ուրբաթ» vs. Առանց գնումների համաշխարհային օր
Առանց գնումների համաշխարհային օրը (անգլ. Buy Nothing Day) խորհրդանշում է ավելորդ սպառման դեմ բողոքը։ Այն նշվում է ամեն տարի նոյեմբերի վերջին, Սուրբծննդյան վաճառքների սկսվելու ավանդական շրջանում: Այս տարի այն նշվում է նոյեմբերի 25-ին և համընկնում է «Սև ուրբաթի» հետ։  :-) 1992 թ․-ին ԱՄՆ-ում սկիզբ առած նախաձեռնությունն առաջին հերթին ուղղված Է գերսպառման նվազեցմանը, ինչպես նաև աշխարհում նյութական բարիքների անհավասար բաշխման դեմ: Այդ օրը նախաձեռնության մասնակիցներին  առաջարկվում Է 24 ժամով հրաժարվել որևէ ապրանք ձեռք բերելուց: Ոմանք նույնիսկ մեկ…
Տեղադրված է 24.11.2022 , 12:38…  ավելին →

Մեր օրգանիզմն ունի հազարավոր հետաքրքիր և մասամբ չբացահայտված գաղտնիքներ:

Մարդու օրգանիզմը բաղկացած է մի քանի տրիլիոն բջիջներից (ստույգ հաշիվը ոչ ոք չգիտի 🙂 ), բայց դրանցից ընդամենը 10%-ն է մարդկային ծագման, մնացած 90% պատկանում է տարբեր մանրէներին և սնկերին, որոնք անտեսանելի են մեզ համար:

Այսպես, միայն բերանի խոռոչում ապրում են այնքան մանրևէներ, ինչքան մարդիկ բնակվում են Երկիր մոլորակի վրա: Իսկ օրինակ` պորտի փոսիկում ապրող մանրևէները կարող էին բնակեցնել արևադարձային մի անտառ` ձևավորել ամբողջական էկոհամակարգ:

Մասնագետները ներկայումս գնահատում են, որ մարդու օրգանիզմում բնակվում է մինչև 10.000 տեսակի միկրոօրգանիզմներ: Այն պարագայում, որ մարդու գենոմը պարունակում է շուրջ 22.000 սպիտակուց կոդավորող գեներ, մարդկանց միկրոբիոմը (մարդու օրգանիզմում ապրող միկրոօրգանիզմները) պարունակում է շուրջ 8 մլն. սպիտակուց կոդավորող գեներ, այսինքն` 360 անգամ ավել: 😮

Մեր մարմնում ապրող տրիլիոն տարբեր միկրոօրգանիզմներից, որոնց գումարային քաշը չափահաս մարդու օրգանիզմում կազմում է շուրջ 2 կգ, շատերը կարևոր դեր են խաղում մեր օրգանիզմի նորմալ կենսագործունեության համար: Այսպես, ստամոքսաղիքային տրակտում բնակվող մանրէները օգնում են մարսողությանը և կարևոր նյութերի կլանման գործընթացին, սինթեզում են որոշ վիտամիններ և հակաբորբոքային նյութեր և հանդիսանում են մեր իմունային պաշտպանության համակարգի կարևոր մասը: