Լավագույնը հարաբերությունների և սիրո մասին: Ռեալ ժամանակի պայմաններում:

Այսօր նկարչի միջազգային օրն է

Այլ նորություններ

Կորոնավիրուս. առասպելներ և փաստեր
Կորոնավիրուսը չի սպառնում երեխաներին: Սա առասպել է: Երեխաների կարող են վարակվել և հիվանդանալ, չնայած ավելի թեթև կամ աննշան ախտանիշներ զարգացնել: Դեռ 2020թ.-ին հրատարակված ուսումնասիրությունը ցույց է տվել, որ թեև վարակված երեխաներն ունեն թույլ ախտանշաններ, այդուամենայնիվ, համավարակի շարունակման դեպքում դրա ազդեցությունը երեխաների և երիտասարդների կրթության, սնուցման և բարեկեցության վրա երկարաժամկետ հեռանկարում կարող է շրջադարձային լինել։ Որքան երկար է տևում ճգնաժամը, այնքան խորն է դրա ազդեցությունը երեխաների բարեկեցության վրա: :-( Կորոնավիրուսը չի տարածվում շոգ կլիմայի պայմաններում: Սա…
Տեղադրված է 01.11.2021 , 13:04…  ավելին →

Դեկտեմբերի 8-ը նկարչի միջազգային օրն է, որը 2007-ին հիմնադրել է «Աշխարհի ժողովուրդների արվեստ» միջազգային ասոցիացիան:

 

Արվեստը մարդու մեջ ուրախանալու և աշխարհը սիրելու ունակություն է ձևավորում և հնարավորություն է տալիս պահպանել գեղեցիկ և բարի զգացողությունները: 🙂

Գեղանկարչությունը մարդկային աշխատանքի զարգացած ձևերից մեկն է, առարկայական, գեղագիտական արժեքների ստեղծման ոլորտ։ Ինչպես և արվեստի մյուս տեսակները, գեղանկարչությունը ճանաչողական և գաղափարական խնդիրներ է իրագործում, ստեղծում մարդու, բնության, առարկաների, պատմական և հասարակական երևույթների գեղարվեստական պատկերներ։

Հետաքրքիր փաստ. մանկական նկարչությունը պատմում է երեխայի զարգացման ընթացքի, նրա հուզական, մտավոր, ֆիզիկական փորձառության մասին:

Այսօրվա տոնը նկարչի մասնագիտության հետ կապված միակ տոնական օրը չէ: Որոշ ստեղծագործական միավորումներ առաջարկում են տոնը նշել հոկտեմբերի 25-ին` հանրաճանաչ նկարիչ` Պաբլո Պիկասոյի ծննդյան օրը, որին համարում են 20-րդ դարի մեծագույն նկարիչը:

 

Նկարչի օրը տոն է ոչ միայն ստեղծագործողների և կերպարվեստի սիրահարների համար: Այդ օրը համարվում է նաև գեղեցիկը սիրող և գնահատող բոլոր մարդկանց տոն:

Ի դեպ, նկարչությունը և առհասարակ արվեստի որոշ տեսակներ բավականին օգտակար են դեպրեսիայի, տագնապայնության և հոգեկան այլ խանգարումների դեմ պայքարելու գործում: