Ինչպես ձեզանից շատերին հայտնի է մեր սոց. խմբից, 2019 թվականին ստեղծվել են երեք կարճ ֆիլմեր ՄԻԱՎ-ի շուրջ տարածված առասպելների, խտրական վերաբերմունքի և ՄԻԱՎ-ով ապրող մարդկանց իրավունքների մասին:

Տեսաֆիլմերի շնորհանդեսը տեղի ունեցավ 2019թ.-ին, ք.Գյումրիում, ՁԻԱՀ-ի դեմ պայքարի համաշխարհային օրվան նվիրված միջոցառման ընթացքում:

Նորաստեղծ տեսանյութերն արդեն վայելում են տարբեր տարիքի դեռահասների և երիտասարդների (և ոչ միայն 🙂 ) սերն ու հավանությունը` հավաքելով ավելի քան 600.000 դիտումներ ամենահայտնի օնլայն հարթակներում:

Իսկ այժմ տեսանյութերը հասանելի են նաև Teenslive կայքում` Օգտակար ռեսուրսներ բաժնում:

Երիտասարդների մասին հետաքրքիր, ռոմանտիկ կամ զվարճալի պատմություններ ներկայացնող ֆիլմերը ստեղծվել են ՄԻԱՎ-ով ապրող մարդկանց նկատմամբ հասարակությունում խարանի և խտրական վերաբերմունքի դեմ ուղղված ծրագրի շրջանակներում:

Ծրագիրն իրականացվել է «Արաբկիր» ԲՀ-ԵԴԱԻ-ի, ՄԱԿ-ի ՄԻԱՎ/ՁԻԱՀ-ի Միացյալ ծրագրի Արևելյան Եվրոպայի և Կենտրոնական Ասիայի և ՅՈՒՆԵՍԿՈ-ի Կրթության և տեղեկատվական տեխնոլոգիաների ինստիտուտի կողմից, Ռուսաստանի դաշնության կառավարության ֆինանսական աջակցությամբ: