Էներգետիկ ըմպելիքները կոֆեին, ավելացված շաքար, թեթև խթանիչ նյութեր, ինչպես նաև նյութափոխանակության վրա ազդող տարբեր հավելումներ (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։

Կոֆեինի բարձր պարունակության պատճառով էներգետիկ ըմպելիքների ազդեցությունը նմանեցնում են սուրճի խթանիչ ազդեցության, ինչևէ, այդ ըմպելիքներում պարունակվող կոֆեինն ավելի արագ են ազդում, և արդյունքում դրանք պոտենցիալ վնասակար են, հատկապես երեխաների և որոշ հիվանդություններ ունեցող մարդկանց համար։ Էներգետիկների մեջ պարունակվող կոֆեինը շատ արագ է ազդում, ակտիվացնելով ուղեղի և սրտի աշխատանքը, ինչի շնորհիվ մենք դառնում ենք ավելի առույգ և ակտիվ։ Սակայն այդ ազդեցությունը կարճատև է, և ցանկություն է առաջանում ընդունել խմիչքի նոր չափաբաժինը։ Ապացուցվել է էներգետիկների անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, արյան ճնշման բարձրացում, անհանգստություն, գրգռվածություն, ջրազրկում, անքնություն, գլխացավ և այլ խանգարումներ, ընդհուպ մինչև սրտի ռիթմի խանգարում։ 🙁

Իհարկե, այդ ըմպելիքների օգտագործումը ժամանակ առ ժամանակ և փոքր քանակով վտանգավոր չէ։ Ինչևէ, պետք է իմանալ, որ էներգետիկ ընպելիքներն առաջացնում են կախվածություն։

«Էներգետիկ» տերմինը մոլորեցնող է․ երիտասարդը կարծում է, որ խմում է անվտանգ, նորաձև, գեղեցիկ փաթեթավորված մի ըմպելիք, որ էներգիա է տալիս։ Սակայն անվտանգության վերաբերյալ արտադրողների պնդումները ճիշտ չեն։

Նաև էներգետիկ ըմպելիքները պետք չէ շփոթել սպորտային ըմպելիքների հետ (օգտագործվում եմ մարզիկների կողմից կորցրած հեղուկը, միներալները և շաքարը արագ վերականգնելու համար)։

! Հատկապես վնասակար է էներգետիկ ըմպելիքների զուգակցումը ալկոհոլի հետ։ Այս պարագայում ալկոհոլի ազդեցությունը դառնում է ավելի ուժեղ, մարդը ավելի շուտ է կորցնում ինքնատիրապետումը, կարող է ունենալ սրտխառնոց, գլխապտույտ և արագ վատանալ։

Կազմեց՝ Ե․Մովսեսյան

Նյութի աղբյուր՝

https://www.cdc.gov/healthyschools/nutrition/energy.htm

https://pmc.ncbi.nlm.nih.gov/articles/PMC4682602/ 

Կարդացեք նաև

Գիրություն (ճարպակալում)

Ժամանակակից մարդկության առջև ծառացած կարևորագույն առողջապահական խնդիրներից է բնակչության աճող գիրացումը: Ցավոք, երեխաները և երիտասարդները հետ չեն մնում նման միտումներից: Փորձենք պարզել, թե ի՞նչ է ճարպակալումը. հիվանդությու՞ն, թե՞ մարդու առանձնահատուկ արտաքին:

ավելին →

Ամառ. ինչպե՞ս այն անցկացնել առանց հիվանդությունների

Վերջապես եկավ ամառը: Դու շատ երկար սպասում էիր ամառային արձակուրդներին, անհամբեր հաշվելով օրերը, և ահա՛, արդեն հունիս ամիսն է: Ինչպե՞ս անցկացնել ամառը, որպեսզի մի լավ հանգստանաս և միևնույն ժամանակ` չհիվանդանաս:

ավելին →

Զգուշացե՛ք, նիհարեցնող միջոցներ

Մարդիկ միտված է հավատալու տարբեր «հրաշք» միջոցներին: Հատկապես, երբ այդ միջոցները ակտիվ գովազդվում են և ունեն գեղեցիկ փաթեթավորում ու համոզիչ բնութագիր: Իսկ ի՞նչ է թաքնված նման խոստումնալից միջոցների հետևում: Պատասխանում են մասնագետները:

ավելին →

Մի քանի փաստ, որ կստիպեն քեզ թողնել ծխելը

Ուզո՞ւմ ես իմանալ, թե ինչպիսի օգուտներ կստանաս` թողնելով ծխելը: Ուրեմն, կարդա՛ այս հոդվածը: Համոզված ենք, որ այն քեզ կօգնի ընդունել ճիշտ որոշում:

ավելին →