Առողջություն
Ինչ հետազոտություն և որտեղ անցնել որպեսզի պարզել ապագա երեխայի հնարավոր հիվանդությունները
Ողջույն, Սոնա, Շնորհակալություն, որ գրեցիր:
Մի քիչ դժվար է կանխատեսել և որոշել ապագա երեխայի մոտ հնարավոր բոլոր հիվանդությունները: Սովորաբար եթե ընտանիքում երկու ծնողների ազգականների մոտ կան որոշ ժառանգական հիվանդություններ (ինչպես օրինակ` մկանային դիստրոֆիան, հեմոֆիլիա և այլն), ապա այո, պարտադիր պետք է անցնել բժշկագենետիկական խորհրդատվություն մինչ երեխա ունենալու պլաններ կազմելը: Նման ծառայություններ կան "Մուրացան" համալսարանական հիվանդանոցում և Գենետիկայի կենտրոնում (Բժշկական գենետիկայի և առողջության առաջնային պահպանման կենտրոն): Ոչ բոլոր ժառանգական հիվանդությունները հնարավոր է ախտորոշել և կանխատեսել ՀՀ-ում, բայց գենետիկը կարող է խորհրդատվություն տրամադրել և ցույց տալ ուղղություն:
Կան որոշ խնդիրներ, որ հստակ չեն ժառանգվում ծնողներից, բայց բնածին են և կարող են հայտնաբերվել հղիության ժամանակ կամ նորածինների մոտ,
օրինակ`Դաունի համախտանիշ, որոշ քրոմոսոմային անոմալիաներ, զարգացման արատներ
: Այդ նպատակով կատարվում են համապատասխան սրկինինգներ` հղիության ընթացքում և նորածնային շրջանում` հիպոթիրեոզ, ֆենիլկետոնուրիա և այլն:
Մնացած դեպքերում զույգերին ցանկալի է ընդհանուր առմամբ հետազոտվել երեխայի պլանավորման փուլում` բացառելով սեռավարակները և այլ խնդիրները:
Առողջ եղեք: