Ես ցանկանում եմ դառնալ հոգեբան բայց բոլոը ինձ ծաղրում են անվանելով հոգեկան մի փոքր կպատմեք ինձ ձեր մասնագիտության մասին որպեսզի ես իմ որոշման մեջ վստահ լինեմ : Շհնորհակալություն

Ողջույն, Լիլիթ, շնորհակալություն, որ կիսվեցիր:

Հոգեբանությունը շատ հետաքրքիր մասնագիտություն է, որն ուսումնասիրում է մարդու հոգեկան գործունեությունը և հոգեվիճակները, տարբեր հատկությունները և առաջացած խնդիրները: Ճիշտ չեն այն մարդիկ, ովքեր ծաղրում են, որովհետև հոգեբանությունը շատ կարևոր գիտություն է, հատկապես ներկայիս ժամանակներում, երբ մարդիկ ապրում են արագ փոփոխվող և տեղեկատվությամբ գերլցված աշխարհում  և հաճախ ունենում են հոգեբանական խնդիրներ: Ուրեմն, եթե իրոք որոշել ես դառնալ հոգեբան, հետաքրքրվում ես հոգեբանությամբ, կարդա ավելին մասնագիտության մասին, զրուցիր տարբեր մարդկանց հետ, փորձիր խորությամբ ուսումնասիրել և հասկանալ տարբեր մարդկանց և վերլուծել նրանց վարքագիծը: Իհարկե, հոգեբան լինելը այնքան էլ հեշտ չէ, բայց իմացիր, որ այդ մասնագիտությանը լավ տիրապետելով՝ կարող ես օգնել մարդկանց:

Հաջողություն ենք ցանկանում: