Այլ նորություններ
Մեր օրգանիզմի չբացահայտված գաղտնիքների շարքից
Երբևէ մտածել եք, թե ինչո՞ւ մարդիկ ունեն արյան տարբեր խմբեր: Հայտնի է արյան չորս խումբ: Այդ խմբերը դասակարգվում են ըստ համապատասխան հակագենների՝ հատուկ նյութերի, որոնք ունակ են քայքայելու մեր օրգանիզմում հայտնված օտարածին բջիջները և տարբեր կերպով են պայքարում վարակների դեմ: Գիտնականները պնդում են, որ արյան խմբերի բաժանումը սկսվել է շուրջ 20 միլիոն տարի առաջ, սակայն հայտնի չէ, թե ինչ պատճառով: Ինչևէ, այս էվոլյուցիոն փոփոխության հիմնական նպատակը վարակային հիվանդությունների դեմ պայքարն էր: Այսպես, համեմատական կարգով պարզվել…
Տեղադրված է 22.02.2021 , 13:50…
ավելին →
Սնկի սիրահարները քաջատեղյակ են, որ սունկը սպիտակուցի լավ աղբյուր է և քիչ կալորիականություն ունեցող մթերք: Այնուամենայնիվ, այն բավականին դժվարամարս է և արգելված է փոքր երեխաներին և ստամոքսաղիքային հիվանդություններ ունեցող մարդկանց:
Հայտնի է, որ ուտելու նպատակով անտառներում սունկ հավաքելը միայն շատ փորձառու մարդկանց գործ է 🙂 Հաճախ ուտելի և թունավոր սունկը տարբերակելը բավականին խրթին է, քանի որ թունավոր սունկը արտաքին տեսքով նման է ուտելի սնկին:
Սնկի թունավորումներից և հետագա ծանր բարդություններից խուսափելու նպատակով անհրաժեշտ է.
- սննդում չօգտագործել անհայտ ծագման սունկ,
- չհավաքել սունկ ճանապարհների եզրերից, քանի որ սունկն ունի թունավոր նյութեր կուտակելու հատկություն,
- սունկը տարբերակելու համար հիմք չընդունել նկարները և ժողովրդական միջոցները. դրանք հաճախ խաբուսիկ են և ոչ ճիշտ,
- փոքր երեխաներին չկերակրել սնկով,
- չուտել հում սունկ,
- սնկի հետ չօգտագործել ալկոհոլ,
- խորհուրդ չի տրվում օգտագործել սունկ աղեստամոքսային համակարգի խնդիրներ ունեցող մարդկանց,
- թարմ սունկը 1-2 օրից ավելի չպահել` նույնիսկ սառնարանային պայմաններում,
- չկա որևէ մշակման միջոց, որը կչեզոքացնի սնկի թույնը,
- թունավորման առաջին իսկ նշանների հայտնվելուց հետո (ցավեր որովայնի շրջանում, սրտխառնոց, փսխում, ընդհանուր թուլություն) անմիջապես դիմել բուժօգնության և չզբաղվել ինքնաբուժմամբ։
Իսկ ապահովության համար պետք է օգտագործել միմիայն ստուգված սունկ, որն ունի գործարանային փաթեթավորում և պիտակներ:
Աղբյուր` www.moh.am