Լավագույնը հարաբերությունների և սիրո մասին: Ռեալ ժամանակի պայմաններում:

Ո՛չ բռնությանը

Այլ նորություններ

Կրկին մասնագիտությունների մասին
Նոր ժամանակները պահանջում են նոր մասնագիտություններ և նոր հմտություններ: Այսօր կխոսենք շուկայում պահանջված` գովազդի ոլորտին առնչվող մասնագիտությունների մասին: Մեր օրերում գովազդով կարելի է լավ գումար վաստակել: :-) Ի դեպ, միշտ չէ, որ այս ոլորտում աշխատելու համար պետք է հատուկ կրթություն ստանալ: Արտադրանքի կամ ծառայության պրոմոութերը ապրանքի հանդեպ հետաքրքրությունը և հետևաբար` վաճառքը խթանում է ճիշտ խորհրդատվության, տարբեր գայթակղիչ ակցիաների և սեփական օրինակով ցուցադրելու միջոցով: Ի դեպ, այսպես վարվում են հաջողված բլոգերներ` մարդիկ, որոնք սեփական էջն ունեն…
Տեղադրված է 29.07.2021 , 13:52…  ավելին →

Հոկտեմբերի 2–ին նշվում է «Ոչ բռնության միջազգային օրը» (International Day of Non-Violence)։

Օրն ընտրվել է ոչ պատահաբար. հենց հոկտեմբերի 2-ին 1869թ.-ին է ծնվել Հնդկաստանի անկախության շարժման առաջնորդ և ընդդեմ բռնության գաղափարախոսության հիմնադիր Մահաթմա Գանդին։ Նրա անունը ճանաչելի է ամբողջ աշխարհում իբրև պատմությունը փոխած անհատի: BBC հեռուստաընկերության անցկացրած հարցումների համաձայն` Մահաթմա Գանդին ճանաչվել էր «հազարամյակի մարդ»:

Ֆիզիկապես թույլ և փոքրամարմին այս մարդու մեջ կար անհավանական հզոր ներքին ուժ և մեծ բարի սիրտ: Գանդին ասում էր, որ աշխարհում պայքարը ոչ թե լավ ու վատ մարդկանց միջև է, այլ ամեն մարդու հոգում՝ կյանքի և մահվան, բարու և չարի միջև: Յուրաքանչյուր ոք ընդունակ է մերժել չարը, և արդյունքում չարն արդեն անզոր կլինի: Աշխարհը համոզվեց Գանդիի գաղափարախոսության արդյունավետության մեջ, երբ նրա համառ ջանքերի շնորհիվ 1947 թ.-ին Հնդկաստանը խաղաղ ճանապարհով անկախացավ Մեծ Բրիտանիայից:

 

ՄԱԿ-ի որոշմամբ՝ այս օրը լրացուցիչ առիթ է քարոզելու համերաշխություն, խաղաղություն, հանդուրժողականություն և ըմբռնում, խոսելու բռնության բոլոր դրսևորումների դեմ և հաստատելու ոչ բռնության մշակույթը: