Լավագույնը հարաբերությունների և սիրո մասին: Ռեալ ժամանակի պայմաններում:

Վերադարձ դպրոց

Այլ նորություններ

Մեր օրգանիզմի չբացահայտված գաղտնիքների շարքից
Երբևէ մտածել եք, թե ինչո՞ւ մարդիկ ունեն արյան տարբեր խմբեր: Հայտնի է արյան չորս խումբ: Այդ խմբերը դասակարգվում են ըստ համապատասխան հակագենների՝ հատուկ նյութերի, որոնք ունակ են քայքայելու մեր օրգանիզմում հայտնված օտարածին բջիջները և տարբեր կերպով են պայքարում վարակների դեմ: Գիտնականները պնդում են, որ արյան խմբերի բաժանումը սկսվել է շուրջ 20 միլիոն տարի առաջ, սակայն հայտնի չէ, թե ինչ պատճառով: Ինչևէ, այս էվոլյուցիոն փոփոխության հիմնական նպատակը վարակային հիվանդությունների դեմ պայքարն էր: Այսպես, համեմատական կարգով պարզվել…
Տեղադրված է 22.02.2021 , 13:50…  ավելին →

Սեպտեմբերի 1-ը… Ամառվա օրերն, ինչպես միշտ, շատ արագ անցան, և ահա նորից եկավ աշունը… Իսկ դա նշանակում է, որ ամառվա ուրախությանը և անհոգությանը փոխարինում են դպրոցական հագուստը, դասագրքերը և մի տոննա տնային հանձնարարությունները… Ձանձրալի է և ոչ մի տրամ ու հավես չկա … 🙁

Հը՜, քեզ առույգ պահիր, ամեն ինչ այնքան էլ վատ չէ: Չէ՞ որ դպրոցական և ուսանողական տարիները միայն ամեն օր վաղ առավոտյան արթանանալ և դասի գնալ, դասասենյակում ժամերով նստել և դասագրքեր գրկած երեկոներ անցկացնել չէ: Դպրոցը քո մեծ կյանքի փոքր սկիզբն է` այլ կերպ ասած ստարտափ: Չէ՞ որ հենց դպրոցում դու կարող ես քեզ դրսևորել ուսման կամ գիտության մեջ, սովորել նոր բաներ, զբաղվել սպորտով և նույնիսկ քո մեջ բացահայտել թաքնված տաղանդներ, օրինակ` գրողի կամ կատակերգու դերասանի, դերասանուհու կամ ռոք երգչի: Նաև հնարավոր է, որ հենց այստեղ դու կդառնաս կենդանի շփման վարպետ, կսովորես կառուցել հարաբերություններ նոր մարդկանց հետ, կիմանաս, թե ինչպես դառնալ լավ ընկեր, ինչպես օգնել նորեկին ընտելանալ քո դասարանում:

Եվ, չնայած որոշ աշակերտներ և ուսանողներ այնքան էլ չեն սիրում սովորել 🙂 , դպրոցական, ինչպես նաև ուսանողական տարիները իսկապես շատ լավն են ու անհոգ: Դա մի ամբողջ աշխարհ է, թեև փոքրիկ, աշխարհ, որտեղ դու կիմանաս շատ նոր և հետաքրքիր բաներ, կփորձես քեզ տարբեր դերերում, կսովորես դուրս գալ տարբեր դժվար, կարծես թե անելանելի վիճակներից, կգտնես ընկերներ քո ամբողջ կյանքի համար, իսկ հնարավոր է նաև կհանդիպես քո իսկական սերը:

Ուրեմն, ժամանակն է ապացուցելու բոլորին (ինքդ քեզ, համադասարանցիներին, ծնողներին, ուսուցիչներին), որ դպրոցը ոչ միայն ժամանակ անցկացնելու, այլ նաև քեզ և քո մեջ եղած ներուժը լիովին բացահայտելու հիանալի միջոց է:

 

Դպրոցը ՔՈ միջավայրն է: Հենց այստեղ դու կարող ես կյանքի կոչել քո բոլոր գաղափարները, իսկ TeensLIVE քեզ այս հարցում կօգնի: 🙂

 

Ֆոտոն վերցված է այստեղից: