Լավագույնը հարաբերությունների և սիրո մասին: Ռեալ ժամանակի պայմաններում:

Ուշադրություն. դրական էմոցիաներով կարելի է վարակվել

Այլ նորություններ

Հետաքրքիր փաստերի շարքից
Հայտնի փաստ է, որ կատուների (ինչպես և շների) տերերը գտնվում են ավելի լավ հոգեբանական վիճակում, համեմատած ընտանի կենդանի չպահող մարդկանց հետ: Համաձայն ավստրալական մի հետազոտության` ընտանի կենդանիների հետ մշտապես շփվող մարդիկ զգում են իրենց ավելի երջանիկ, ավելի հանգիստ և ինքնավստահ, պակաս նյարդային, ավելի լավ են քնում և նույնիսկ դիմակայում կյանքի դժվարություններին: :-o Հետաքրքրական է, որ կատու պահելը դրական է ազդում նաև երեխաների վրա: 2017 թվականին Շոտլանդիայում անցկացված հետազոտության արդյունքներն ապացուցեցին, որ 11-15 տարեկան դեռահասների խմբում…
Տեղադրված է 05.04.2020 , 10:18…  ավելին →

Ինչպե՞ս կիսվել ուրախությամբ և դրական էմոցիաներով կամ հույզերով շրջապատող մարդկանց հետ, բարձրացնել ընկերոջ տրամադրությունը և զգալ երջանիկ ցանկացած պարագայում: Այդ մասին կարելի է կարդալ տարբեր կայքերում: Թվում է, թե արդեն ամեն ինչ պարզ է, էլ ի՞նչ նոր բան կարելի է հնարել, էլ ի՞նչ գաղտնիքներ կան դրական լիցքեր հաղորդելու մեջ: Դու կզարմանաս, բայց …

Մարդիկ կարող են ուրիշներին փոխանցել դրական էմոցիաներ … սեփական քրտինքի հոտի միջոցով: Այդ մասին վկայում են Psychological Science պարբերականում հրատարակված հետազոտության արդյունքները:

Պարզվում է, որ երջանիկ պահերին մեր օրգանիզմում արտադրվում են հատուկ քիմիական միացություններ, որոնք կարող են զգալ նաև ուրիշները:

Նախորդ հետազոտությունները պարզել էին, որ բացասական հույզերը, կապված վախի և զզվանքի հետ, ազդում են քրտինքի քիմիական կազմի վրա: Իսկ այժմ գիտնականները հայտնաբերել են, որ հուզական բարձր ոգևորության վիճակում գտնվող մարդու քրտինքի հոտը դրական է ազդում ուրիշների էմոցիաների և վարքագծի վրա: Նրանք ակամայից սկսում են ժպտալ, նույնիսկ առանց հասկանալու, թե ինչու: Չէ՞ որ ուրիշի հոտը մենք ավելի հաճախ զգում ենք ենթագիտակցաբար (եթե իհարկե այն շատ սուր չէ):

«Մեր հետազոտությունը հաստատեց, որ երբ մարդը զգում է իր երջանիկ ընկերոջ քրտինքից եկող քիմիական ազդանշանները, նա իր հերթին սկսում է զգալ հուզական վիճակի փոփոխություն, – բացատրում է հոգեբան Գյուն Սեմինը Նիդերլանդների Ուտրեխտի համալսարանից: – Այսինքն, երջանիկ մարդը կարող է կիսվել սեփական երջանկությամբ ուրիշների հետ կամ, ավելի ճիշտ է ասել, «վարակել» շրջապատողներին սեփական երջանկությամբ»:

Վարակի՛ր ուրիշներին երջանկությամբ, և թո՛ղ նրանք նույնիսկ գլխի չընկնեն այդ մասին: 😉

Նկարը մենք գտել ենք այստեղ: