Լավագույնը հարաբերությունների և սիրո մասին: Ռեալ ժամանակի պայմաններում:

Տոնում ենք Սուրբ Վալենտինի օրը

Այլ նորություններ

Դիմել վստահելի մեծահասակի
Դժվար իրավիճակում հայտնված դեռահասներին խորհուրդ է տրվում օգնություն խնդրել վստահելի մարդուց, վստահելի մեծահասակից։ Կարևոր է հիշել, որ ոչ բոլոր մեծահասակներն են համարվում վստահելի։ :-( Վստահելի մեծահասակը այն անձն է, ով պատրաստ է օգնելու առանց մեղադրելու, սպառնալու և չի ստիպի այնպիսի գաղտնիք պահել, որը կկաշկանդի կամ կանհանգստացնի։ Իրավիճակից կամ ժամանակահատվածից կախված՝ կարելի է ունենալ տարբեր վստահելի մեծահասակներ՝ ծնող, մեծ քույր-եղբայր, այլ մտերիմ բարեկամ կամ լավ ծանոթ, ուսուցիչ, հոգեբան, բուժաշխատող և այլն։ Եվ այսպես, վստահելի մեծահասակը նա…
Տեղադրված է 12.03.2024 , 17:25…  ավելին →

Այսօր տարվա ամենառոմանտիկ օրն է` Սուրբ Վալենտինի տոնը:

Այդ օրը շատ երիտասարդներ սրտատրոփ սպասում են սիրո խոստովանություն և անակնկալ նվեր սիրած անձից` սրտիկներով բացիկներ և նկարներ, ծաղիկներ կամ այլ հաճելի փոքրիկ ուշադրության նշաններ 🙂  Այդ տոնը, որ գովաբանում է սերը, խորհրդավոր է:

Իսկ դու գիտե՞ս այս տոնի պատմությունը: Համաձայն առասպելի, Հին Հռոմի կայսր Կլավդիուս II (ապրել է 3-րդ դարում), որոշեց, որ չամուսնացած տղամարդիկ ավելի լավ մարտիկներ են, քան ամուսնացածները: Այդ իսկ պատճառով նա արգելեց իր զինվորներին ամուսնանալ: Սակայն, բնականաբար, նա չէր կարող արգելել նրանց սիրահարվել, և արդյունքում հռոմեացի լեգիոներները տառապում էին զրկված լինելով սիրած աղջիկների հետ միանալու հնարավորությունից: Վալենտինը որոշեց օգնել զինվորներին և սկսեց իրականացնել գաղտնի պսակադրություններ: Սակայն նրա այս գործունեությունը հայտնի դարձավ իշխանություններին: Քահանան հայտնվեց բանտում և դատապարտվեց մահվան: Իր սեփական սերը Վալենտինը հանդիպեց շատ ուշ, սիրահարվելով բանտապետի աղջկան` Յուլիային: Բանտարկյալը աղջկան փոխանցեց իր սիրո խոստովանություններով նամակը, որը, սակայն, Յուլիան կարողացավ կարդալ միայն Վալենտինի դատավճռի ի կատար ածումից հետո` 269թ.-ի փետրվարի 14-ին:

Համաձայնվիր, որ չկա ավելի հրաշալի բան, քան սիրել և սիրված լինել, պատրաստ լինել ուրիշին նվիրվել և զգալ ուրիշի հոգատարությունը,  լինել երջանիկ միասին:

Բոլորին ցանկանում ենք մեծ, իսկական սեր! 😀