Լավագույնը հարաբերությունների և սիրո մասին: Ռեալ ժամանակի պայմաններում:

Սրտի միջազգային օր

Այլ նորություններ

Ինչ անել արձակուրդներին
Ահա և եկավ երկար սպասված ամառը: Շատերի մոտ հարց է առաջանում՝ ինչո՞վ զբաղվել։ Չէ՞ որ ամառվա ամիսներին ճիշտ զբաղվածությունը նպաստում է ոչ միայն ուժերի վերակագնմանը և վերալիցքավորմանը, այլ նաև անձի զարգացմանը, նոր հետաքրքրությունների բացահայտմանը։ Ամբողջ օրը վիրտուալ տիրույթում անցկացնելն այդքան էլ նպատակահարմար է, քանի որ իրական աշխարհում ևս կան շատ հետաքրքիր զբաղմունքներ։ 😊 Առաջարկում ենք մի քանի տարբերակ․ 1․ Սպորտ, լող, պար․ ամառվա արձակուրդներին չարժե հրաժարվել սպորտային պարապմունքներից, հակառակը՝ կարող եք ավելի շատ ժամանակ տրամադրել…
Տեղադրված է 10.06.2024 , 11:00…  ավելին →

Սրտի միջազգային օրը (World Heart Day) առաջարկվել է նշել 1999թ.-ին` Սրտի միջազգային ֆեդերացիայի նախաձեռնությամբ: Գաղափարը անմիջապես հավանության արժանացավ ԱՀԿ-ի և ՄԱԿ-ի կողմից, և սեպտեմբերի 29-ը նշում են աշխարհի տարբեր երկրներում` հիշեցնելով մարդկությանը սրտի առողջության պահպանման կարևորության մասին:

Սիրտանոթային հիվանդությունները մեծահասակ բնակչության մահացության և հաշմանդամության հիմնական պատճառն են ամբողջ աշխարհում: Հատկապես մեծ է դրանց բեռը զարգացող երկրներում:

Հայտնի է, որ վարքագծային գործոնների վերահսկման, այսինքն` ռացիոնալ սնուցման, կանոնավոր ֆիզիկական ակտիվության,  ծխախոտից և այլ վնասակար սովորույթներից հրաժարման միջոցով, կարելի է կանխարգելել սրտամկանի ինֆարկտի և ինսուլտների շուրջ 80%:

Քանի որ կենսակերպը ձևավորվում է դեռ վաղ դպրոցական տարիքում և պահպանվում մեծահասակ տարիքում, չափազանց կարևոր է արմատավորել առողջ սովորույթներ հենց այդ տարիքից:

 

Իսկ դու ի՞նչ ես անում այդ ուղղությամբ: Կիսվի՛ր քո սեփական փորձով և ձեռքբերումներով մեր սոց. խմբում և ոգեշնչիր ուրիշներին 🙂