Հունվարի 11-ը կարելի է համարել տարվա «ամենաքաղաքավարի» օրը: Այսօր «շնորհակալության» միջազգային օրն է (International Thank You Day): Տոնը սահմանել են ՄԱԿ-ը և ՅՈՒՆԵՍԿՕ-ն:

Տոնի մասնակիցները հունվարի 11-ին շնորհակալություն են հայտնում յուրաքանչյուր հանդիպողի: Մենք, գիտակցելով լավ վարվեցողության անհրաժետությունը առօրյա կյանքում, շնորհակալություն հիմնականում հայտնում ենք կարծես թե ակամայից՝ չմտածելով դրա իմաստի մասին:

Հայտնի է, որ երախտագիտության խոսքերը մոգական ուժ ունեն. դրանց օգնութամբ մարդիկ ուրախություն են պարգևում միմյանց, ուշադրություն ցուցաբերում և դրական զգացումներ փոխանցում, իսկ առանց այդ դրական զգացումների մեր կյանքը կլիներ մռայլ և ձանձրալի:

Հոգեբանները վստահ են, որ երախտիքի խոսքերը «շոյում են», դրանք ի վիճակի են հանգստացնելու և ջերմացնելու 🙂 : Բայց շատ կարևոր է երախտագիտության խոսքերն ասել անկեղծ սրտով: