Լավագույնը հարաբերությունների և սիրո մասին: Ռեալ ժամանակի պայմաններում:

Օգտակար սովորություններ, որոնք կարող են մեզ ավելի երջանիկ դարձնել (մաս 2)

Այլ նորություններ

Ինչպե՞ս ասել «Ոչ»
Արդյոք եղե՞լ են իրավիճակներ, երբ դու ստիպված ես եղել անել մի բան, ինչը քեզ դուրեկան չէր: Օրինակ,  պատրաստվում ես դիտել տեսաֆիլմ կամ գնալ մարզասրահ, իսկ ընկերդ խնդրում է օգնել դասերի հետ: Դու ստիպված օգնում ես ընկերջոդ, բայց հոգու խորքում նեղվում ես այդ իրավիճակից: :-( «Ո′չ» ասելը շատ կարևոր է մեր անձնական սահմանները պաշտպանելու համար։ Անձնական սահմանը՝ այն տարածությունն է, որը մենք դնում ենք ուրիշների հետ ընդունելի հարաբերությունները կարգավորելիս: Դա անտեսանելի գիծ է, որը բաժանում է…
Տեղադրված է 23.01.2023 , 12:38…  ավելին →

Շարունակենք մարդուն «երջանկացնող» օգտակար սովորությունների շարքը.

 

  • Լինել ավելի բարի շրջապատող մարդկանց նկատմամբ. 

Կալիֆորնիայում սոցիալական հոգեբանների ուսումնասիրությունները ցույց են տվել, որ մեծահարուստները ավելի հաճախ են խանգարում մյուս մեքենաների երթևեկությանը, հազվադեպ են զիջում մյուս վարորդներին և հետիոտներին և առհասարակ 3 անգամ ավելի հաճախ են իրենց անբարեբարո պահում: Իհարկե, դա բացարձակ չէ, քանի որ բոլոր սոցիալական խավերի մեջ կան է և՛ ալտրուիստներ, և՛ էգոիստներ: Գուցե պատճառը սեփական շահեր հետապնդելու սովորության մեջ է:

Ինչևէ, տարբեր հետազոտություններ ապացուցել են, որ բարյացկամ մոտեցումը, կարեկցանքը, մարդկանց աջակցելն ու օգնելը մեզ պարգևում են խորը և տևական երջանկության զգացում, իմաստավորում են մեր կյանքը: Նույնիսկ հասարակ մանրուքներ, ինչպես օրինակ` օգնել կնոջը ծանր պայուսակի հետ, պահել դուռը անծանոթ մարդու համար, շնորհակալություն հայտնել ավտոբուսի վարորդին, ժպտալ անծանոթ մարդուն ջերմացնում են ինչպե՛ս մեզ, այնպե՛ս էլ մեզ շրջապատող մարդկանց:

 

  • Ավելի ընտրողաբար գնումներ կատարել.

Միլիոնատերեր, գրքերի հեղինակներ Ստիվ Սիբոլդը և Թոմաս Կորլին ուսումնասիրել են մեծահարուստների և աղքատների գումար ծախսելու սովորությունները և պարզել են մի հետաքրքիր փաստ. երբեմն ծախսերն այնքան էլ տրամաբանական չէին: Օրինակ`քիչ վաստակող մարդիկ հաճախ գնում են ցածրօրակ էժան տեխնիկա և հագուստ, ծառայություններ գնելիս (օրինակ` ինտերնետ-պրովայդերից)` ընտրում են ամենամատչելի տարբերակը, որը, սակայն, պահանջելու է լրացուցիչ սպասարկման համար վճարումներ: Այդ սովորություններն ի վերջո բերելու են ավելի մեծ ծախսերի, քանի որ որակյալ ապրանքն ավելի երկար է ծառայում, իսկ ավելի շահավետ պայմանագիրը հետագայում թույլ կտա խնայել:

 

  • Ընտրողաբար մոտենալ շրջապատին.

Երբ Թոմաս Կորլին հավաքում էր նյութեր իր «Փոխի՛ր քո սովորությունները, փոխի՛ր քո կյանքը» գրքի համար, նա բացահայտեց, որ հարուստ մարդիկ ավելի ընտրողաբար են մոտենում իրենց շրջապատին` շփվելով նախաձեռնող, կամքի ուժ ունեցող, հաջողակ մարդկանց հետ, որոնք ստիպում են իրենց դուրս գալ կոմֆորտի զոնայից և զարգանալ: Իսկ աղքատ մարդիկ, սովորաբար, ընտրում են ընկերներին, գործընկերներին և ղեկավարներին առանց շատ երկար մտածելու, նրանց, ում հետ իրենք ավելի հեշտությամբ կարող են շփվել: Բայց կա և ոսկե միջինը. անհրաժեշտ է պահպանել լավ հարաբերություններ մեզ համար կարևոր մարդկանց հետ, սահմանափակել շփումը մեզ համար անընդունելի ձևով իրենց պահող մարդկանց հետ, պարտադիր շփվել այն մարդկանց հետ, ում կցանկանայիք նմանվել:

 

  • Օգտագործել ալտերնատիվ փոխադրամիջոցներ.

ԱՄՆ սոցիալական հարցումների բյուրոն պարզել է, որ ամենահարուստ և ամենաաղքատ խավի մարդիկ բոլորից հաճախ ընտրում են էկոլոգիապես մաքուր փոխադրամիջոցներ և աշխատանքի հասնում ոտքով կամ հեծանիվով: Բնականաբար, աղքատ մարդիկ դա անում են ստիպված, սակայն մեծահարուստները հատուկ այդպես են որոշում` մտածելով սեփական առողջական վիճակի և շրջակա միջավայրի պահպանման մասին: Միջին եկամուտներ ունեցող մարդիկ ավելի շատ են օգտվում սեփական մեքենաներից կամ տաքսիներից` փոխադրամիջոցների վրա ծախսելով իրենց եկամուտների զգալի մասը:

Միչիգանի համալսարանի հետազոտողները, ինչպես և այլ գիտնականներ հայտնաբերել են ուղիղ կապ ֆիզիկական ակտիվության և երջանկության զգացումի միջև: Շաբաթվա մեջ մենք ճանապարհներին ենք անցկացնում մի քանի ժամ: Գուցե՞ վատ միտք չէ պարբերաբար փոխել տրանսպորտային միջոցը` մեքենան փոխարինել հեծանիվով և ավելի երջանիկ դառնալ 🙂

 

Հետևե՛ք այս խորհուրդներին և երջանիկ եղեք: