Օգտակար սովորություններ, որոնք կարող են մեզ ավելի երջանիկ դարձնել
Այլ նորություններ
Պարզվում է, կան պարզ կանոններ, որոնք կօգնեն մեզ լինել ավելի երջանիկ:
- Ուշադրություն դարձնել, թե ինչ ես ուտում և ինչպես.
Լավ առողջական վիճակը չափազանց կարևոր է երջանիկ լինելու համար, իսկ այն մեծապես կախված է մեր սննդակարգից: Պարզվել է, որ ցածր եկամուտ ունեցող մարդիկ օգտագործում են օրական կտրվածքով ավելի քան 300 ավելցուկային կալորիաներ ֆաստֆուդի հետ: Մինչդեռ տարբեր հետազոտություններ ապացուցել են ոչ ռացիոնալ սնուցման կապը ճարպակալման, քաղցկեղի, դիաբետի, սրտի և արյան անոթների հիվանդությունների հետ: Ինչևէ, մասնագետները համոզված են, որ բավարար կամքի ուժ ունենալու դեպքում հնարավոր է փոխել սննդային սովորույթները: Սկզբի համար հրաժարվիր ֆաստֆուդից և ավելացրու տարբեր գույների բանջարեղենի և մրգերի քանակը 🙂
- Ուշադրություն դարձնել քեզ շրջապատող մարդկանց և քո հարաբերություններին.
Տևական և համերաշխ հարաբերություններ ունենալու համար անհրաժեշտ է կարողանալ իրավիճակին նայել տարբեր կողմերից, ընդունել սեփական սխալը, գնալ կոմպրոմիսի: Մյուս կողմից, պետք է կարողանալ բալանս պահպանել, լսել ինքդ քեզ և կարողանալ ասել «ոչ», երբ համոզված ես քո որոշման մեջ:
- Խուսափել սթրեսային իրավիճակներից.
Ապացուցվել է, որ քրոնիկ սթրեսը փոխում է մեր ուղեղի կառուցվածքը, պակասեցնում է կամքի ուժը և վատացնում հիշողությունը: Անընդմեջ սթրեսների ենթարկվող մարդիկ ավելի վատ են սովորում և յուրացնում ինֆորմացիան, դժվարությամբ են որոշումներ կայացնում և հասնում կարևոր նպատակներին: Պարզվել է նաև, որ քրոնիկ սթրեսը նպաստում է կանանց վաղ ծերացման 🙁
Իսկ ի՞նչ անել: Նախ կարելի է զգալիորեն մեղմել սթրեսի ազդեցությունը. ավելի շատ շարժվել, բնության գրկում լինել, սովորել ուրախանալ հաճելի մանրուքների վրա, չմտածել մեզանից անկախ բաների մասին և լսել ինքդ քեզ: Նաև սթրեսի նույնիսկ երկարատև հետևանքները կարելի է հաղթահարել: Ինքնատիրապետման ունակությունը և կարգապահությունը ևս կարելի է զարգացնել:
- Արմատավորել օգտակար սովորույթներ և երկարացնել կյանքը.
Վիճակագրությունը փաստում է, որ բարձր եկամուտ ունեցող մարդիկ ավելի քիչ են հիվանդանում և երկար են ապրում: Թվում է, թե պատճառը թանկարժեք բարձրորակ բժշկական ծառայությունների հասանելիությունն է: Սակայն ամերիկյան հեղինակավոր կազմակերպության տվյալներով (The Health Inequality Project) կյանքի տևողությունը կախված է ոչ այդքան եկամուտների մակարդակից, ինչքան մարդու օգտակար և վնասակար սովորույթներից, այսինքն` կենսակերպից: Հետազոտողների տվյալներով` առողջական վիճակը լավացնելու և կյանքի տևողությունն ավելացնելու համար անհրաժեշտ է կանոնավոր զբաղվել սպորտով, խմել բավարար քանակությամբ մաքուր ջուր, հրաժարվել ծխախոտից:
Եվ այսպես, կարծում ենք շատ դժվար չէ հետևել այս խորհուրդներին և դառնալ ավելի երջանիկ:
Շարունակելի…