Լավագույնը հարաբերությունների և սիրո մասին: Ռեալ ժամանակի պայմաններում:

Նշում ենք երեկույթների միջազգային տոնը

Այլ նորություններ

Շախմատի տոն
Հուլիսի 20-ը շախմատի միջազգային օրն է (International Chess Day): Այս օրը նշելու գաղափարն առաջարկել է ՅՈՒՆԵՍԿՈ-ն և 1966 թ.-ին հաստատել Շախմատի համաշխարհային ֆեդերացիան (World Chess Federation)։ Այդ թվականից սկսած այն տոնվում է աշխարհի բոլոր շախմատասերների կողմից։ 1924թ.-ին հենց այս օրն է հիմնադրվել Շախմատի համաշխարհային ֆեդերացիան` ՖԻԴԵ-ն։ Այդ կազմակերպությունը միավորում է տարբեր երկրների շախմատային միությունները, որոնք նպաստում են աշխարհի տարբեր երկրներում շախմատի հանդեպ հետաքրքրության և գիտելիքների բարձրացմանը: [background_color]«Շախմատ» բառը առաջացել է պարսկերեն «շահ մատ» բառակապակցությունից, ինչը թարգմանաբար նշանակում…
Տեղադրված է 21.07.2019 , 10:18…  ավելին →

Ապրիլի 3-ին նշվում է ուրախ մի տոն՝ Երեկույթների համաշխարհային օրը (World Party Day), որը հայտնի է նաև որպես P-Day:

Party բառը անգլերեն նշանակում է երեկույթ, ընդ որում ցանկացած տեսակի՝ հանդիսավոր ընդունելությունից սկսած մինչև երիտասարդական հավաքույթներ՝ ոչ պաշտոնական մթնոլորտում։

Միջոցառման բնույթը և սցենարը որոշում են կազմակերպիչները և մասնակիցները։ Հավաքույթները պոպուլյար են ամբողջ աշխարհում, չէ՞ որ դրանց շնորհիվ մարդիկ լիցքաթափվում են, հանգստանում, շփվում կամ էլ պարզապես միասին լավ ժամանակ են անցկացնում։

Ի դեպ, այս տոնը ստեղծվել է լուրջ մտադրություններով. երեկույթների օր ստեղծելու մտահղացումը առաջացել է ամերիկացի գրող Վաննա Բոնտի (Vanna Bonta, 1958-2014)  «Թռիչք» ֆանտաստիկ վեպից: Գիրքն ավարտվում է հետադարձ հաշվարկով՝ մինչև 2000 թվականի ապրիլի 3-ը, երբ ամբողջ աշխարհում պետք է անցնի զանգվածային տոն, որը միավորում է մարդկությանը։ Այդ վեպը լույս է տեսել 1995-ին, իսկ արդեն 96-ի ապրիլի 3-ին ԱՄՆ-ում առաջին անգամ նշվել է Երեկույթների օրը, որն անցկացվել է «Երեկույթն ի հակառակ պատերազմի» կարգախոսի ներքո:

 

Մասնակցելով երիտասարդական երեկույթներին, հիշի՛ր, որ ալկոհոլային խմիչքների չարաշահումը և թմրամիջոցների օգտագործումը կարող է խիստ վտանգավոր լինել և դրդել անպատասխանատու քայլերի:  Շփվի՛ ր, զվարճացի՛ ր, նոր ծանոթություններ հաստատի՛ ր, բայց մի՛ մոռացիր անվտանգության կանոնների մասին:

 

Աղբյուր`Calend.ru