Այլ նորություններ
Նշում ենք ատամնաբույժի միջազգային օրը
Ատամնաբույժի միջազգային օրը (International Dentist Day) ատամնաբույժների մասնագիտական տոնն է, որ նշվում է մարտի 6-ին։ Այս օրը լավ առիթ է ատամների և բերանի խոռոչի հիգիենայի մասին խոսելու համար։ Բերանի խոռոչի պատշաճ հիգիենիկ խնամքի սովորույթներին մարդիկ ընտելանում են վաղ նախադպրոցական տարիքից, իսկ ատամների կանոնավոր մաքրումը և ատամնաբույժի մոտ կանխարգելիչ այցերն ապահովում են ինչպե′ս ատամների և բերանի խոռոչի առողջությունը, այնպե′ս էլ որոշ մարսողական հիվանդությունների կանխարգելումը։ Ինչևէ, «Դպրոցահասակ երեխաների առողջության վարքագծի հետազոտության» արդյունքներով հայ դպրոցականների շրջանում առկա են…
Տեղադրված է 06.03.2023 , 12:44…
ավելին →
21-րդ դարում անհնար է ապրել առանց գոնե մեկ օտար լեզու իմանալու: Իմանալով օտար լեզու, դու կարող ես դիտել քո սիրած ֆիլմը/սերիալը օրիգինալ լեզվով, լսել դերասանների իրական ձայները, առաջինների շարքում կարդալ քեզ հետաքրքրող նոր գրականությունը` չսպասելով թարգմանությանը: Եվ ի վերջո, գիտնականները ապացուցել են, որ սովորելով օտար լեզու` դու մարզում ես քո ուղեղը:
Դե ինչ, հետաքրքրե՞ց: Ուրեմն կարդա մի քանի կրեատիվ խորհուրդներ` սովորելը հեշտացնելու համար.
- Հեռախոսի կարգավորումները դարձրու այն օտար լեզվով, որը սովորում եսք: Սկզբում մի փոքր կդժվարանաս, բայց 1-2 օրից ամեն ինչ կընկնի իր տեղը, և միաժամանակ կսովորես մի քանի նոր բառեր:
- Լսիր երգեր օտար լեզվով և փորձիր բառերը հասկանալ և սովորել: Համատեղի՛ր հաճելին օգտակարի հետ: 🙂
- Սկզբնական շրջանում դիտիր մուլտֆիլմեր, ապա ֆիլմեր օրիգինալ լեզվով և ենթագրերով (մայրենի լեզվով): Կարճ ժամանակ անց անջատիր ենթագրերը և կզգաս, որ արդեն հիմնականում հասկանում ես խոսակցական լեզուն:
- Սովորիր օտար լեզուն ընկերների հետ: Միասին և՛ զվարճալի, և՛ օգտակար կլինի:
- Օրական 10 նոր բառեր սովորիր: Դուրս գրիր դրանք գեղեցիկ տետրի կամ հեռախոսի մեջ, գրի առ փոքրիկ գունավոր թղթերի վրա և փակցրու քո սենյակում և աշխատիր ամբողջ օրվա ընթացքում կրկնելով սովորել դրանք: Ասոցացրու նոր բառերը հետաքրքիր բառակապակցությունների, պատմությունների հետ, և հետագայում դրանք լավ կտպավորվեն քո հիշողության մեջ:
Կազմեց Loreta Hakobyan-ը: