Լավագույնը հարաբերությունների և սիրո մասին: Ռեալ ժամանակի պայմաններում:

Կառավարե՛ք ձեր հույզերը

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

Հայտնի է, որ հույզերն անմիջականորեն ազդում են մարդու առողջության վրա: Ներքին հանգստությունը և տրամադրության կտրուկ տատանումներից խուսափելու կարողությունը համարվում է երկարակյացների բնավորության հիմնական գծերից մեկը:

Անդրադառնանք այն հույզերին, որոնք վնասում են առողջությանն ու կրճատում կյանքի տևողությունը:

 

Ցասում

Այս հույզը խթանում է օրգանիզմում ադրենալինի ու նորադրենալինի արտազատումը, իսկ սրտանոթային հիվանդությունների դեպքում այս հորմոնների դիսբալանսը կարող է դառնալ լուրջ խնդիրների պատճառ և հանգեցնել անգամ սրտի նոպայի: Հետազոտությունները ցույց են տվել, որ ցասման բռնկումից երկու ժամ անց սրտամկանի ինֆարկտի հավանականությունն աճում է գրեթե հինգ անգամ, իսկ գլխուղեղի կաթվածի հավանականությունը՝ երեք:

 

Շոկ

Շոկի հետևանքները կարող են լինել ինչպես կարճաժամկետ, այնպես էլ երկարաժամկետ: Օրինակ՝ ծանր շոկի հետևանքով կարող են գլխուղեղում կառուցվածքային փոփոխություններ տեղի ունենալ, որոնք կդրսևորվեն հետտրավմատիկ սթրեսային խանգարմամբ: Այս դեպքում ի հայտ են գալիս քնի ու սննդի ընդունման հետ կապված խնդիրներ, սեռական դիսֆունկցիա, քրոնիկ ցավեր ու վարքի խանգարումներ:

 

Անհանգստություն

Տագնապային խանգարումները բազմազան են և ներառում են մի շարք խնդիրներ: Տագնապի նոպաներն ուղեկցվում են սրտխփոցով, թթվածնի պակասով, գլխապտույտով: Ըստ մասնագետների՝ ներկայումս տագնապային խանգարումներն առավել հաճախ հանդիպում են երիտասարդների մոտ, ինչը պայմանավորված է ֆինանսական ու սոցիալական անկայունությամբ, գաջեթների լայն օգտագործմամբ ու սխալ սննդակարգով: Տագնապն ու անհանգստությունը խանգարում են մարդու հոգեկան առողջությունը և բացասաբար են անդրադառնում կյանքի որակի վրա:

 

Միայնակություն

Միայնակության զգացումն ու դրա հետ կապված բացասական հույզերը բարձրացնում են օրգանիզմում սթրեսի հորմոնի մակարդակն ու զարկերակային ճնշումը, զգալիորեն թուլացնում են մարդու իմունային համակարգը, ինչը կարող է դառնալ լուրջ խնդիրների պատճառ: Որոշ տվյալներով՝ միայնակությունը 14%-ով բարձրացնում է վաղաժամ մահվան հավանականությունը:

 

Վիշտ

Հետազոտությունները ցույց են տվել, որ վիշտը բարձրացնում է օրգանիզմում բորբոքային գործընթացների մակարդակը, ինչի հետևանքով բարձրանում է դեպրեսիաների, սրտամկանի ինֆարկտի, գլխուղեղի կաթվածի ու վաղաժամ մահվան հավանականությունը:

 

Ուրեմն, սովորե՛ք կառավարել ձեր հույզերը և եղե՛ք առողջ:

 

Նյութի աղբյուրը՝ medikforum.ru