Լավագույնը հարաբերությունների և սիրո մասին: Ռեալ ժամանակի պայմաններում:

Կանխարգելե՛նք ինքնասպանությունները

Այլ նորություններ

Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…  ավելին →

1992թ.-ից ի վեր հոկտեմբերի 10-ին նշվում է հոգեկան առողջության համաշխարհային օրը (World Mental Health Day):

ԱՀԿ տվյլաներով աշխարհում ամեն 40 վայրկյանը մեկ տեղի է ունենում ինքնասպանություն 🙁

Այս տարի նշվող հոգեկան առողջության համաշխարհային օրվա խորհուրդն է «Կանխարգելե՛նք ինքնասպանությունները. 40 վայրկյան գործելու համար»:

 

Հոգեկան առողջությունը հանդիսանում է ընդհանուր առողջական վիճակի կարևորագույն մասնաբաժինը: Այն սահմանվում է որպես բարեկեցիկ վիճակ, որի պարագայում մարդը կարող է իրագործել իր կարողությունները և սեփական ներուժը, դիմակայել կյանքի դժվարություններին և հաղթահարել սթրեսները, բեղմնավոր և արդյունավետ աշխատել և իր ներդրումն ունենալ հասարակական կյանքում: Այս համատեքստում հոգեկան առողջությունը հանդիսանում է մարդու և հասարակության բարեկեցության հիմնաքարը:

Ներկայումս հոգեկան առողջության խնդիրները ամենատարածված հիվանդությունների շարքում են, իսկ ընկճախտը կամ դեպրեսիան ամենից հաճախ հանդիպող հոգեկան խանգարումն է:

Ի դեպ, հոգեկան խանգարումների շուրջ կեսը առաջանում են մինչև 14 տարեկան հասակը, սակայն դրանցից շատերն անցնում են աննկատ կամ չեն ենթարկվում բուժման: Ընկճախտը երրորդ տեղում է դեռահասների հիվանդացության կառուցվածքում: Ինչ վերաբերում է ինքնասպանություններին, դրանք զբաղեցնում են երկրորդ տեղը 15-ից 29 տարեկանների մահացության պատճառների ցանկում:

 

Կանխարգելե՛նք ինքնասպանությունները` ճանաչելով հոգեկան խնդիրները և ժամանակին միջամտելով: