Լավագույնը հարաբերությունների և սիրո մասին: Ռեալ ժամանակի պայմաններում:

Կամավորության մասին

Այլ նորություններ

Ինչպես հաղորդակցվել դժվար իրավիճակում
Արտակարգ իրավիճակներում հաղորդակցումը պահանջում է ավելի մեծ զգայունություն և հոգատարություն: Բնականաբար բոլորս շատ ազդվում ենք ներկայիս իրավիճակից: Սակայն բոլորիս հակազդումները կարող են լինել շատ տարբերվող և դա կարող է բերել հաղորդակցման տարբեր խնդիրների և կոնֆլիկտների: :-( Հոգեբանների կողմից առաջարկած հետևյալ կետերը կարող են օգնել խուսափել այդ դժվարություններից և ուժեղացնել մեր հոգատարությունը միմյանց հանդեպ: Նյութի աղբյուր՝  Aystegh Psychology Lab
Տեղադրված է 25.09.2023 , 11:09…  ավելին →

Իսկ Դուք գիտե՞ք, թե կամավորությունը որքա՜ն օգտակար է մարդու համար։ Հատկապես` երիտասարդների համար, ովքեր ցանկանում են ձեռք բերել տարբեր օգտակար հմտություններ, լայնացնել իրենց աշխարհայացքը կամ դեռ չեն կողմնորոշվել ապագա մասնագիտության մեջ և ուզում են փորձել իրենց տարբեր բնագավառներում:

Ստորև ներկայացվում են որոշ հետաքրքիր փաստեր.
1. Մարդիկ, ովքեր կամավորություն են արել և նշում են այդ մասին ռեզյումեում, միանգամից անցնում են մի քայլ առաջ և ավելի հավանական է, որ կընտրվեն ցանկալի աշխատանքի։ Այս հավելյալ ինֆորմացիան ռեզյումեում օգնում է հաստատել ժամանակի արդյունավետ օգտագործման կարողությունը։
2. Կամավորությունն օգնում է Ձեր կրեատիվ մտքերն արտահայտելուն և հետագայում, ինչու ոչ, իրագործելուն 🙂 Երբեմն ամենալավը, որ կարող եք անել, դա Ձեզ հետաքրքրող որևէ նախաձեռնության կամ ծրագրի կամավորության հայտ լրացնելն է։
3. Հարցման արդյունքում, կամավորների 96%-ը հաստատում է, որ կամավորությունը մարդկանց ավելի երջանիկ է դարձնում։ Այլ հարցումների արդյունքում պարզվել է, որ այն մարդիկ, ովքեր զբաղվել են կամավորությամբ, ավելի լավատեսորեն են պատասխանում իրենց տրված հարցերին։

 

Կետերը կարելի է դեռ երկար շարունակել։ Իսկ այն, որ կամավորության ընթացքում ձեռք ենք բերում նոր հմտություններ, նոր շրջապատ, այն նաև օգնում է մեզ միշտ լինել ակտիվ, ակնհայտ է❤։

Դե ինչ, դեռ չե՞ք զբաղվել կամավորությամբ, երբեք ուշ չէ:

Դարձի՛ր կամավոր և կտեսնես, թե ինչպես կփոխվի քո կյանքը:

 

Ձեզ ոգեշնչեցին Teenslive կամավորները