Լավագույնը հարաբերությունների և սիրո մասին: Ռեալ ժամանակի պայմաններում:

Իսկ դու գիտե՞ս…

Այլ նորություններ

Շնորհակալություն հայտնենք միմյանց ավելի հաճախ
Հունվարի 11-ը տարվա «ամենաքաղաքավարի» օրն է, քանի որ հենց այդ օրը ՄԱԿ-ի և ՅՈՒՆԵՍԿՕ-ի կողմից սահմանվել է«շնորհակալության» միջազգային օր (International Thank You Day): Այդ օրը նշելիս` մարդիկ շնորհակալություն են հայտնում յուրաքանչյուր հանդիպողի: :-) Սովորաբար մենք, գիտակցելով լավ վարվեցողության անհրաժետությունը, առօրյայում շնորհակալություն ենք հայտնում ՝ չմտածելով դրա իմաստի մասին: Սակայն երախտագիտության խոսքերը մոգական ուժ ունեն. դրանց օգնութամբ մարդիկ ուրախություն և ջերմություն են փոխանցում միմյանց, դրական զգացումներ պարգևում: Չէ՞ որ առանց այդ դրական զգացումների մեր կյանքը կլիներ…
Տեղադրված է 11.01.2021 , 12:37…  ավելին →

Դու երբևէ մտածե՞լ ես, թե ինչու է անհրաժեշտ հետազոտվել ՄԻԱՎ-ի վերաբերյալ:

Այս վարակի առանձանահատկությունն է այն, որ ՄԻԱՎ վիրուսի օրգանիզմ ներթափանցելու պահին մարդը չի ունենում ոչ մի արտասովոր զգացողություն: Ավելին, ՄԻԱՎ-ով վարակված մարդը երկար տարիներ (միջինը 7-ից 10 տարի) կարող է առողջության հետ կապված որևէ խնդիր չունենալ, զգալ  իրեն առողջ և նույնիսկ չմտածել, թե կարող է վարակված լինել: Սակայն այդ ամբողջ ժամանակահատվածում նա կարող է վարակը փոխանցել ուրիշներին, այսինքն` հանդիսանալ վարակի աղբյուր: Վարակման ուղիների մասին կարդա կայքի այս հոդվածում, նաև դիտիր ՄԻԱՎ/ՁԻԱՀ-ի մասին ուրախ տեսահոլովակն այստեղ:

Ի դեպ, արտաքինից ևս հնարավոր չէ կռահել մարդու վարակված լինելու մասին: Մարդու օրգանիզմում ՄԻԱՎ-ի առկայությունը կարելի է հայտնաբերել միայն հատուկ հետազոտությամբ, որը հնարավորություն է տալիս ախտորոշել ՄԻԱՎ վարակը բավականին վաղ շրջանում, երբ հիվանդության ախտանշանները դեռևս բացակայում են:

 

! Իմացի՛ր քո կարգավիճակը` հետազոտվելով  ՄԻԱՎ-ի նկատմամբ:

Դա շատ կարևոր է և թույլ կտա.

  • կանխել վարակի փոխանցումը զուգընկերոջը(-ուհուն),
  • ժամանակին սկսել անհրաժեշտ հատուկ (հակառետրովիրուսային) բուժումը,
  • ունենալ երկար կյանք և ՄԻԱՎ վարակից զերծ երեխաներ 🙂

 

Մանրամասների համար այցելիր www.armaids.am կայքը: