Լավագույնը հարաբերությունների և սիրո մասին: Ռեալ ժամանակի պայմաններում:

Իսկ դու գիտե՞ս…

Այլ նորություններ

Ինչ անել արձակուրդներին
Ահա և եկավ երկար սպասված ամառը: Շատերի մոտ հարց է առաջանում՝ ինչո՞վ զբաղվել։ Չէ՞ որ ամառվա ամիսներին ճիշտ զբաղվածությունը նպաստում է ոչ միայն ուժերի վերակագնմանը և վերալիցքավորմանը, այլ նաև անձի զարգացմանը, նոր հետաքրքրությունների բացահայտմանը։ Ամբողջ օրը վիրտուալ տիրույթում անցկացնելն այդքան էլ նպատակահարմար է, քանի որ իրական աշխարհում ևս կան շատ հետաքրքիր զբաղմունքներ։ 😊 Առաջարկում ենք մի քանի տարբերակ․ 1․ Սպորտ, լող, պար․ ամառվա արձակուրդներին չարժե հրաժարվել սպորտային պարապմունքներից, հակառակը՝ կարող եք ավելի շատ ժամանակ տրամադրել…
Տեղադրված է 10.06.2024 , 11:00…  ավելին →

Պարզվել է, որ ներքնազգեստը կարող է ազդել վերարտադրողական ֆունկցիայի վրա և նպաստել մի շարք խնդիրների զարգացմանը: Մասնագետներն ուսումնասիրել և ապացուցել են կապը ներքնաշորի տեսակի և վերարտադրողական առողջության միջև: 😊

Հայտնի փաստ է, որ կանացի «ստրինգ» տեսակի ներքնաշորը կարող է նպաստել միզասեռական ուղիների բորբոքային հիվանդություններին, քանի որ թելիկի միջոցով հետանցքը ուղղակիորեն հաղորդակցվում է միզուկի և հեշտոցամուտքի հետ 🙁 Արդյունքում, տխուր վիճակագրությունը ուսումնասիրելուց հետո, այդ տեսակի ներքնաշորի վաճառքը նույնիսկ արգելվել է մի շարք երկրներում:

 

Բոլորովին վերջերս պարզվել է, որ տղամարդկանց նեղ անդրավարտիքը բացասաբար է ազդում սերմնաբջիջների քանակի և որակի վրա: Մարդու վերարտադրողականության և էմբրիոլոգիայի հարցերի Եվրոպական միությունը (ESHRE) հանդես է եկել հայտարարությամբ, ըստ որի` այն տղամարդիկ, ովքեր հագնում են ազատ, բնական կտորներից, այսպես կոչված «ընտանեկան» կամ շորտաձև տիպի ներքնաշոր, ունեն սերմնաբջիջների ավելի բարձր խտություն: Պատճառը ամորձիների տաքացումն է` նեղ և սինթետիկ անդրավարտիք կրելիս, որն էլ բերում է սերմի որակի վատացման: Հարվարդի համալսարանի Հանրային առողջության դպրոցի հետազոտողներն ապացուցել են, որ նեղ անդրավարտիք կամ լողավարտիք մշտապես հագնող տղամարդկանց մոտ միջինում 25%-ով ցածր է սերմնաբջիջների խտությունը, ինչպես նաև 14%-ով ցածր` հիպոֆիզում արտադրվող հատուկ սեռական հորմոնի (ֆոլիկուլոխթանիչ հորմոնի) քանակը, որն էլ կարգավորում է սերմնաբջիջների զարգացումը 🙁

Իհարկե, նեղ ներքնազգեստը չի կարող անպտղության պատճառ հանդիսանալ, այնուամենայնիվ, այդ տվյալները մտորելու տեղիք են տալիս:

Այսպիսով, և՛ աղջիկներին, և՛ տղաներին խորհորուրդ է տրվում նախապատվությունը տալ ազատ, բնական կտորներից ներքնաշորերին: