Իսկ դու գիտե՞ս…
Այլ նորություններ
Պարզվում է, մարդկանց որոշ սովորություններ կարող են վտանգել մեր առողջությունը (խոսքը ռիսկային վարքագծի և հոգեմետ նյութերի օգտագործման մասին չէ) 🙂
Հաճախ մենք անում ենք առօրյա մի բան ինքնաբերաբար և երկար չենք մտածում ազդեցության մասին:
Օրինակ` շատերը գիտեն, որ խիստ անցանկալի է սմարթֆոնով երկար խոսելը, հատկապես, երբ չես օգտագործում ականջակալներ:
Բայց ոչ բոլորն են մտածում, որ սխալ դիրքը, երբ մեկ ուսով պահում ես հեռախոսը ականջի մոտ և փորձում է միաժամանակ ձեռքերով մի բան անել, կարող է բացասաբար անդրադառնալ պարանոցի և ողնաշարի վրա, առաջացնել գլխապտույտներ և գլխացավեր:
Մասնագետները պարզել են նաև, որ վնասակար է սմարթֆոնի էկրանին նայելիս` գլուխը կախած երկար ժամանակ անցկացնելու սովորությունը:
Մշտապես գլուխը խոնարհելու սովորությունը մեծացնում է մեջքի, ուսերի ու պարանոցի վրա գործադրվող ծանրաբեռնվածությունը: Բժիշկների խոսքով՝ մեջքի ու պարանոցի ցավերից գանգատվող հիվանդների թիվը մշտապես աճում է: Ընդ որում, ներկայում ողնաշարի հետ կապված խնդիրներն ավելի ու ավելի հաճախ են ախտորոշվում երիտասարդների մոտ: