Լավագույնը հարաբերությունների և սիրո մասին: Ռեալ ժամանակի պայմաններում:

Ինչպես ընտրել պահանջված մասնագիտություն

Այլ նորություններ

Կրկին մասնագիտությունների մասին
Նոր ժամանակները պահանջում են նոր մասնագիտություններ և նոր հմտություններ: Այսօր կխոսենք շուկայում պահանջված` գովազդի ոլորտին առնչվող մասնագիտությունների մասին: Մեր օրերում գովազդով կարելի է լավ գումար վաստակել: :-) Ի դեպ, միշտ չէ, որ այս ոլորտում աշխատելու համար պետք է հատուկ կրթություն ստանալ: Արտադրանքի կամ ծառայության պրոմոութերը ապրանքի հանդեպ հետաքրքրությունը և հետևաբար` վաճառքը խթանում է ճիշտ խորհրդատվության, տարբեր գայթակղիչ ակցիաների և սեփական օրինակի վրա փորձելու միջոցով: Ի դեպ, այսպես վարվում են հաջողված բլոգերներ` մարդիկ, որոնք սեփական էջն…
Տեղադրված է 29.07.2021 , 13:52…  ավելին →
Փորձագետները համոզված են, որ ներկայիս մասնագիտությունների կեսը 15-20 տարի հետո կդադարեն գոյություն ունենալ կամ արմատապես կձևափոխվեն։ 🙁

Երիտասարդները պետք է սովորեն մոդելավորել ապագան և ընտրել արդիական մասնագիտություններ` միջազգային աշխատաշուկայում մրցունակ լինելու համար։ Եթե տասնամյակ առաջ պահանջված մասնագիտություններն էին մենեջեր, իրավաբան և ֆինանսիստ, ապա ներկայումս, օրինակ` ճարտարագետ (ինժեներ) մոռացված մասնագիտությունը բավականին գնահատված է, և շատ երկրներում առկա է որակյալ տեխնիկների և ինժեներների պակաս: Գիտության արագ զարգացման հետ զուգահեռ տարբեր ոլորտներում պահանջ է առաջանում նաև բնագիտական մասնագիտությունների, ինչպես օրինակ` նանոտեխնոլոգ, բիոինժեներ, քիմիկոս և այլն:

Համակարգչային տեխնոլոգիաների առաջընթացը հանգեցնում է այն փաստի, որ ՏՏ մասնագիտությունների պահանջարկը ժամանակի ընթացքում միայն մեծանում է: Պահանջված են նաև ծառայությունների ոլորտի մասնագիտությունները:

Տարբեր փորձագետների գնահատականով Հայաստանի աշխատաշուկայի մարտահրավերները այդքան էլ չեն տարբերվում միջազգայինից։ Ինչևէ, անհրաժեշտ է ճիշտ հասկանալ առաջնահերթություններն ու մանրակրկիտ վերլուծել իրավիճակը, ժամանակի պահանջները, և դա կմոտիվացնի նոր նախագծեր և ստարտափեր իրականացնելու համար։

Մասնագետների կարծիքով ապագայում աշխատաշուկայում պահանջված լինելու համար անհրաժեշտ է առնվազն ունենալ մաթեմատիկայի բազային գիտելիքներ, տեղեկատվություն փնտրելու և վերլուծելու հմտություններ, օտար լեզուների իմացություն:

Ժամանակակից կրթության պահանջն է սովորեցնել ուսանողին մտածել և քննադատաբար վերլուծել տեղեկատվությունը։ 

Ցանկացած աշխատանքի, հատկապես ձեռնարկատիրության մեջ հաջողության հասնելու համար կարևոր են այնպիսի որակներ, ինչպիսիք են ստեղծարարությունը, տեղեկատվական տեխնոլոգիաներին տիրապետելը և գաղափարները պրոդուկտի վերածելու կարողությունը։ Այդ հմտությունները պետք է ձեռք բերվեն սովորելու տարիներին:

Չափազանց կարևոր են արյդունավետ հաղորդակցման հմտությունները, քանի որ կոմունիկացիան ընդլայնում է հորիզոնն ու շրջակա աշխարհի մասին պատկերացումները, հետևաբար կարող է օգնել մասնագիտության կամ գործունեության տեսակի ընտրության հարցում։

Եվ իհարկե, պետք չէ մոռանալ, որ կրթությունը և ինքնազարգացումը ոչ միայն երիտասարդների համար է: 🙂 Ցանկացած մասնագետ պետք է ձգտի կատարելագործվել և արդիականացնել մասնագիտական հմտությունները` աշխատաշուկայում մրցունակ լինելու համար:

 

Ավելին կարդա մեր կայքի հոդվածներում և հետևիր մեզ սոցցանցերում: