Երբեմն աղջիկները և կանայք լավ չեն կողմնորոշվում ճիշտ կրծկալի ընտրության մեջ: Վիճակագրությունը ցույց է տալիս, որ կանանց 60-70%-ը կրում է սխալ ընտրված չափսի կրծկալներ:

Բացահայտենք բոլոր գաղտնիքները:

Նախ պետք է նշել, որ երբ դեռահաս աղջկա կուրծքը սկսում է մեծանալ, նա կարիք ունի կրելու ճիշտ ընտրված կրծկալ, հատկապես սպորտով զբաղվելիս:

Առավել հարմար և ցանկալի տարբերակ է համարվում սպորտային կրծկալները, սակայն միշտ չէ, որ հարմար է դրանք հագնել առօրյայում: Ինչևէ, միշտ ցանկալի է ընտրել կրծկալներ առանց երկաթե բռնակների: Կրծկալի ճիշտ ընտրված չափսը շատ կարևոր է, այն ոչ միայն լավ է կրծքագեղձի առողջության համար  է, այլև ավելի գեղեցիկ է ընդգծում կուրծքը:

Սեղմող կրծկալները իհարկե չեն կարող նպաստել կրծքագեղձի քաղցկեղի զարգացմանը, սակայն ապացուցված է, որ երկաթե բռնակներով կրծկալները կամ կրծկալի սխալ ընտրված չափսը կարող են հանգեցնել կրծքագեղձում քրոնիկ ցավի:

Տարածված ցուցանիշներն են տառերի և թվերի համադրությամբ եվրոպական չափսերը:

Տառը ցույց է տալիս բաժակի ծավալը, թիվը` կրծքի շրջագիծը (կրծքագեղձի տակ):

Եվ այսպես.

1. Չափել կրծքի շրջագիծը անմիջապես կրծքագեղձի տակ:
2. Չափել կրծքի շրջագիծը անմիջապես կրծքագեղձի վրայից, ամենաբարձր կետերով:
3. Որոշել տարբերությունը` հանելով մեծ չափսը փոքրից, դա բաժակի ծավալն է կամ չափսը:

Տառերն համապատասխանում են հետևյալ չափսերին.

• 12–13 սմ –А, կամ 1
• 13–15 սմ –В, կամ 2
• 15–17 սմ –С, կամ 3
• 18–20 սմ –D, կամ 4
• 20–22 սմ –DD (E), կամ 5

4. Կրծքի շրջագծին պետք է ավելացնել 2-3 սմ (կրծկալը հանգիստ կոճկելու համար) և ստանալ վերջնական չափսը, օրինակ` 65A: