Լավագույնը հարաբերությունների և սիրո մասին: Ռեալ ժամանակի պայմաններում:

Ինչքա՞ն հաճախ ես լվացվում

Այլ նորություններ

Ինչպես ընտրել պահանջված մասնագիտություն
Փորձագետները համոզված են, որ ներկայիս մասնագիտությունների կեսը 15-20 տարի հետո կդադարեն գոյություն ունենալ կամ արմատապես կձևափոխվեն։ :-( Երիտասարդները պետք է սովորեն մոդելավորել ապագան և ընտրել արդիական մասնագիտություններ` միջազգային աշխատաշուկայում մրցունակ լինելու համար։ Եթե տասնամյակ առաջ պահանջված մասնագիտություններն էին մենեջեր, իրավաբան և ֆինանսիստ, ապա ներկայումս, օրինակ` ճարտարագետ (ինժեներ) մոռացված մասնագիտությունը բավականին գնահատված է, և շատ երկրներում առկա է որակյալ տեխնիկների և ինժեներների պակաս: Գիտության արագ զարգացման հետ զուգահեռ տարբեր ոլորտներում պահանջ է առաջանում նաև բնագիտական մասնագիտությունների, ինչպես…
Տեղադրված է 05.05.2021 , 13:10…  ավելին →

Այսօր`  Հոկտեմբերի 15-ին, նշվում է ձեռքերի լվացման միջազգային օրը (Global Handwashing Day):

 

Այո՛, չզարմանաք, բայց գոյություն ունի այսպիսի օր: Այն հատուկ նշվում է ՄԱԿ-ի մանկական հիմնադրամի նախաձեռնությամբ` հաշվի առնելով ձեռքերի լվացման կարևորությունը:

 

Հաստատ դեռ փոքր տարիքից լսել ես` «ուտելուց առաջ, փողոցից վերադառնալուց, կենդանուն շոյելուց, զուգարան գնալուց հետո լվա′ ձեռքերդ»: Նման բառերով ծնողները, դաստիարակները, բուժաշխատողները հիշեցնում են հիգիենայի այդ կարևոր կանոնի մասին:

 

Թվում է, ձեռքերը լվանալու հարցը մարդու անձնական գործն է, և յուրաքանչյուր մարդ դա անում է՝ ելնելով իր մաքրասիրության ու դաստիարակության չափից: Սակայն, ինչպես նշում են փորձագետները, եթե չլվացած ձեռքերի խնդիրը դիտենք ավելի գլոբալ, ապա այն ունի կործանարար հետևանքներ 🙁

Չլվացած ձեռքերի միջոցով մարդու օրգանիզմ են անցնում այնպիսի վտանգավոր հիվանդությունների հարուցիչներ, ինչպիսիք են՝ աղիքային վարակները, խոլերան, հեպատիտ Ա-ն, գրիպը և սուր շնչառական վարակները և այլն: Պարզ հիգիենիկ գործընթացը փրկում է օրական հազարավոր երեխաների կյանքեր: Այն ոչ միայն օգնում է կանխել վտանգավոր վարակները, այլև մեր կյանքը դարձնում է ավելի հարմարավետ և անվտանգ:

Ձեռքերի լվացման օրը շատ երկրներում մասնագետների, զանգվածային լրատվական միջոցների և կամավորների մասնակցությամբ կազմակերպվում են տարբեր միջոցառումներ` հիգիենիկ քարոզարշավներ, մարդկանց բաժանվում են տեղեկատվական գրքույկներ, ցուցադրվում են հետաքրքիր տեսանյութեր, անցկացվում են սեմինարներ: