Լավագույնը հարաբերությունների և սիրո մասին: Ռեալ ժամանակի պայմաններում:

Հուշարձանների միջազգային օր

Այլ նորություններ

ՁԻԱՀ-ի դեմ պայքարի համաշխարհային օր
Դեկտեմբերի 1-ը ՁԻԱՀ-ի դեմ պայքարի համաշխարհային օրն է: Օրվա նպատակն է բարձրացնել իրազեկվածությունը, միահամուռ ուժերով պայքարել ՄԻԱՎ/ՁԻԱՀ-ի դեմ, խոսել հիվանդության կանխարգելման միջոցառումների, պացիենտների բուժման մասին։ «Արաբկիր» ԲՀ-ԵԴԱԻ-ի մասնագետների կողմից մի քանի տարի առաջ ստեղծվել են երիտասարդ լսարանին ուղղված ֆիլմեր՝ ՄԻԱՎ-ով ապրող մարդկանց նկատմամբ հասարակությունում խարանի և խտրական վերաբերմունքի դեմ ուղղված ծրագրի շրջանակներում: Ֆիլմերը հասանելի են «Օգտակար ռեսուրսներ» բաժնում։ Մեր կայքում կարող ես գտնել նաև մի շարք հոդվածներ ՄԻԱՎ-ի մասին։ Եղի՛ր իրազեկված և պաշտպանված։  
Տեղադրված է 01.12.2023 , 14:00…  ավելին →

Հուշարձանների և տեսարժան վայրերի միջազգային օրը (International Day for Monuments and Sites, World Heritage Day) պաշտոնապես ընդունվել է ՅՈւՆԵՍԿՈ-ի գլխավոր ասամբլեայի որոշմամբ 1983 թվականին: Այն նշվում է ամեն տարի ապրիլի 18-ին:

 

Այդ օրը նշվում է  համաշխարհային ժառանգության բազմազանության, դրա պահպանության ու պաշտպանության վերաբերյալ հասարակության տեղեկացվածությունը մեծացնելու,  հուշարձանների կարևորությունը համաշխարհային պատմության և մշակույթի պահպանման գործում շեշտելու նպատակով:

Յուրաքանչյուր տարի առաջադրվում է օրվա խորհրդին առնչվող որևէ յուրահատուկ թեմա, ինչը հնարավորություն է տալիս շեշտելու համաշխարհային ժառանգության բազմազանությունը: Այս տարվա կարգախոսն է «Գյուղական բնապատկեր»:

Համաշխարհային ժառանգության կոնվենցիան նպաստել է պատմական շատ քաղաքների ու բնակավայրերի դիմագծի անխաթար պահպանությանը` Լոնդոն, Վիեննա, Սանկտ Պետերբուրգ և այլն:

 

Այդ օրը շատ երկրներում կազմակերպվում են տարբեր միջոցառումներ` ցուցահանդեսներ, դասախոսություններ, ֆիլմերի ցուցադրություններ, շնորհանդեսներ,  դրամահավաքներ` հուշարձանների պահպանության համար, հուշարձանների մաքրման և բարեկարգման աշխատանքներ:

 

Որպես «համընդգրկուն բացառիկ արժեք» գրանցված Համաշխարհային ժառանգության ցուցակում ընդգրկված են Հաղպատի ու Սանահինի վանական համալիրները, Էջմիածնի Մայր տաճարը, Հռիփսիմե, Գայանե, Շողակաթ եկեղեցիները, Զվարթնոցի տաճարի ավերակները, ինչպես նաև Գեղարդն ու Ամադու կիրճը:

 

Միասին պահպանե՛նք մեր պատմամշակութային ժառանգությունը և հայկական բնապատկերը: