Լավագույնը հարաբերությունների և սիրո մասին: Ռեալ ժամանակի պայմաններում:

Հետևում ենք կեցվածքին

Այլ նորություններ

Հետաքրքիր փաստերի շարքից
Իսկ դու գիտե՞ս, որ օրական կտրվածքով տղամարդիկ ծախսում են միջինում շուրջ 700 կալորիաներ ավել, քան կանայք: Բացատրությունը միայն քաշի տարբերության մեջ չէ (չնայած տղամարդիկ միջինում ունեն ավելի բարձր քաշ և հասակ) :-) Պարզվել է, որ տղակարդկանց օրգանիզմում նյութափոխանակությունն ավելի արագ է տեղի ունենում, և նրանց մարմնի ջերմաստիճանը փոքր-ինչ ավելի բարձր է, քան կանանց մոտ: Արդյունքում, տղամարդիկ ավելի շատ կալորիաներ ստանալու համար ավելի մեծ քանակությամբ սնունդ են օգտագործում:   Նաև հասուն տղամարդկանց օրգանզիմում միջինում շրջանառում է…
Տեղադրված է 19.10.2019 , 10:10…  ավելին →

Իսկ դու գիտե՞ս, որ անհարմար կոշիկ կամ ծանր պայուսակ կրելու սովորությունը վնասակար է առողջության համար:

Պարզվել է, որ կոշիկը մեծ նշանակություն ունի կեցվածքի և ողնաշարի վիճակի համար: Անհարմար ու նեղ կոշիկը կարող է դառնալ ողնաշարի տարբեր հատվածների, ինչպես նաև ոտնաթաթի ձևափոխման պատճառ և նույնիսկ հանգեցնել վիրահատական միջամտության անհրաժեշտության:

Կա տեսակետ, որ բարձրակրունկները ուղղում են կեցվածքը, գեղեցկացնում կազմվածքը, ինքնավստահություն և կանացիություն հաղորդում։ Ինչևէ, անչափահաս աղջիկներին չի կարելի կրել բարձրակրունկ կոշիկներ, քանի որ դա կարող է բացասաբար անդրադառնալ ոտնաթաթի կամարի ձևավորման վրա: Բարձրակրունկ կոշիկները նաև վտանգավոր են վնասվածք ստանալու վտանգի պատճառով: Եթե այնուամենայնիվ, ընտրում եք բարձրակրունկ կոշիկներ, ապա`

  • ձգտեք, որ կրունկի բարձրությունը չգերազանցի 4-5 սմ. (մասնագետները նպատակահարմար են համարում 2-3 սմ կրունկի առկայությունը), իսկ ոտնաթաթի հատվածում լինի հաստ տակացու։
  • բարձրակրունկ կոշիկները հագեք ոչ այնքան երկար ժամանակով՝ հարմար առիթի դեպքում փոխելով դրանք տափակ կամ սպորտային կոշիկներով, հատկապես եթե պատրաստվում եք շատ քայլել կամ կանգնած լինել։
  • Բարձրակրունկ կոշիկներով մի վազեք, քանի որ ոտքերի ճնշումը վազքի ժամանակ մեծանում է։
  • Օգտագործեք կոշիկի հատուկ ներդիրներ, որպեսզի նվազեցնեք ոտնաթաթի և կրունկի վրա ընկած ծանրաբեռնվածությունն ու ճնշումը։
  • Ամեն օր հատուկ վարժություններ կատարեք, որպեսզի մարզեք ոտքի մկանները։

 

Ողնաշարի հետ կապված խնդիրների զարգացմանն է նպաստում նաև միայն մեկ ուսին պայուսակներ կրելու սովորությունը:

Մասնագետները խորհուրդ են տալիս ուսապարկը կրել բացառապես երկու ուսին կամ պարբերաբար փոխել ուսը, ծանր պայուսակների դեպքում` ծանրությունը բաշխել հավասարապես, նաև պարբերաբար հանգստանալ: Եթե պայուսակի քաշը կազմում է մարմնի զանգվածի ավելի քան 10%-ը, ապա այն առհասարակ խորհուրդ չի տրվում կրել, քանի որ դա շատ վնասակար են ողնաշարի համար: