Այլ նորություններ
Զգուշացե′ք էներգետիկ ըմպելիքներից
Էներգետիկ ըմպելիքները կոֆեին, ավելացված շաքար, թեթև խթանիչ նյութեր (գուարանա, տաուրին, Լ-կարնիտին) պարունակող ըմպելիքներ են, որոնք հաճախ օգտագործվում են երիտասարդների կողմից թարմանալու, ուժերը վերականգնելու և էներգիա ստանալու նպատակով։ Էներգետիկ ըմպելիքների ազդեցությունը նմանեցնում են սուրճի ազդեցության, ինչևէ, այդ ըմպելիքները ավելի վնասակար են, հատկապես երեխաների և որոշ հիվանդություններ ունեցող մարդկանց համար։ Ապացուցվել է դրանց անբարենպաստ ազդեցությունը ուղեղի և սրտի աշխատանքի վրա՝ առաջացնելով հաճախասրտություն, գրգռվածություն, ջրազրկում, անքնություն և այլ խանգարումներ։ Իհարկե, այդ ըմպելիքների օգտագործումը ժամանակ առ ժամանակ և փոքր…
Տեղադրված է 05.05.2023 , 11:42…
ավելին →
Ուզու՞մ ես, մենք կռահենք, թե դու ինչ ես անում արթնանալուն պես: Մտնում ես համացանց, որպեսզի նայես վերջին նորությունները, կարդաս հաղորդագրությունները, նամակները: Այսօր մենք նույնիսկ եղանակն իմանալու համար ավելի շուտ կնայենք հեռախոսի մեջ և ոչ` պատուհանից դուրս: Բայց չէ՞ որ առաջներում մարդիկ ապրել են առանց համացանցի: Իսկ եթե ցանկանում ես իմանալ, թե ինչպես, կարող ես հունվարի 27-ին միանալ ԱՌԱՆՑ ՀԱՄԱՑԱՆՑԻ միջազգային օրվան (International Internet-Free Day):
Այսօր արդեն ստույգ չեն հիշում, թե ով է այս գաղափարի հեղինակը 2000-թթ.-ի սկզբին: Ոմանք կարծում են, որ հեղինակությունը պատկանում է «Սոցիալական հետազոտությունների Բրիտանական ինստիտուտին», մյուսները` DoBe.org բրիտանական ոչ կոմերցիոն նախաձեռնությանը: Սակայն հստակ հայտնի է մի բան` ամենաակտիվ համացանցի օգտատերերն առաջարկել են տարվա մեջ մեկ օր` հունվարի վերջին կիրակի օրը հրաժարվել համացանցից:
Այսպիսով, տոնի նպատակն է շեղել մարդկանց համակարգիչների, հեռախոսների և պլանշետների էկրաններից, որպեսզի նրանք կարողանան վայելել իրական, առերես շփումը և ոչ վիրտուալ կյանքը:

Համացանցը հեշտացնում է մեր կյանքը, բայց այն նաև մեզ դարձնում է կախյալ… զինում է մեզ անհրաժեշտ տեղեկատվությամբ, բայց միևնույն ժամանակ առաջ է բերում նոր սպառնալիքներ:
ԱՌԱՆՑ ՀԱՄԱՑԱՆՑԻ միջազգային օրը ցույց է տալիս, որ չնայած համացանցը կոչվում է համատարած ցանց, մեզ շրջապատող աշխարհը շատ ավելի հարուստ է, քան վիրտուալ տիրույթը: Առաջարկում ենք քեզ այդ օրը մոռանալ համացանցի մասին. այցելիր թանգարան, սրճարան, զբոսնիր ընկերներիդ հետ, դահուկներ կամ սնոուբորդ վարիր, այցելիր այն մարդկանց, ում վաղուց չես հանդիպել, և համոզվիր, որ պատուհանից դուրս գտնվող աշխարհը հաստատ համակարգչի էկրանի հետևից թաքնված աշխարհից վատը չէ 🙂 :