Լավագույնը հարաբերությունների և սիրո մասին: Ռեալ ժամանակի պայմաններում:

Հաղթանակի տոն

Այլ նորություններ

Կրկին մասնագիտությունների մասին
Նոր ժամանակները պահանջում են նոր մասնագիտություններ և նոր հմտություններ: Այսօր կխոսենք շուկայում պահանջված` գովազդի ոլորտին առնչվող մասնագիտությունների մասին: Մեր օրերում գովազդով կարելի է լավ գումար վաստակել: :-) Ի դեպ, միշտ չէ, որ այս ոլորտում աշխատելու համար պետք է հատուկ կրթություն ստանալ: Արտադրանքի կամ ծառայության պրոմոութերը ապրանքի հանդեպ հետաքրքրությունը և հետևաբար` վաճառքը խթանում է ճիշտ խորհրդատվության, տարբեր գայթակղիչ ակցիաների և սեփական օրինակով ցուցադրելու միջոցով: Ի դեպ, այսպես վարվում են հաջողված բլոգերներ` մարդիկ, որոնք սեփական էջն ունեն…
Տեղադրված է 29.07.2021 , 13:52…  ավելին →

Մայիսը հաղթանակների ամիս է, իսկ մայիսի 9-ը` կրկնակի հաղթանակների օր: Հայաստանում այսօր Հաղթանակի և խաղաղության տոն է, մեր հայրերի և պապերի տարած մեծ հաղթանակի տոնը, իսկ Լեռնային Ղարաբաղում՝ Եռատոնը:

 

1945թ.-ի ապրիլի 16-ին խորհրդային զորքերն սկսեցին Բեռլինի գրոհը: Ապրիլի 25-ին ամերիկյան և խորհրդային զորամիավորումները հանդիպեցին Էլբայի ափերին: Ապրիլի 30-ին հայտնի դարձավ, որ Հիտլերն ինքնասպան է եղել: Երկու օր անց հանձնվեց Բեռլինը:

Մայիսի 8-ի լույս 9-ի գիշերն ստորագրվեց Գերմանիայի անվերապահ կապիտուլյացիայի ակտը: Ավարտվեց պատերազմը Եվրոպայում: Ավարտվեց նաև Հայրենական մեծ պատերազմը: Խորհրդային կառավարության որոշմամբ մայիսի 9-ը երկրում հայտարարվեց տոն՝ Մեծ հաղթանակի օր:

Հարյուր հազարավոր հայորդիներ կռվեցին իրենց հայրենիքի ազատության և լուսավոր ապագայի համար, պայքարելով բոլոր ճակատներում, մարտի դաշտում և թիկունքում: Հայրենական պատերազմի հերոսի կոչում ստացել է 99 հայ, Նելսոն Ստեփանյանն ու մարշալ Հովհաննես Բաղրամյանը՝ կրկնակի հերոսներ են:

 

Մայիսի 9-ը մեզ համար վերաիմաստավորվեց և վերարժևորվեց 1992 թ.-ին Շուշիի ազատագրմամբ: Շուշիի ազատագրումը Արցախի կյանքի և մահվան հարցն էր, և հայ ազատամարտիկները մայիսի 9-ին կրկնեցինք իրենց հայրերի ու պապերի սխրանքը՝ ազատագրելով Շուշին և բեկելով պատերազմի ընթացքը:

 

Այսօր մենք հարգանքի և երախտագիտության տուրք ենք մատուցում մեր հերոս նախնիների պայծառ հիշատակին, ովքեր ընկան իրենց հայրենիքի ազատության համար պայքարում: