Լավագույնը հարաբերությունների և սիրո մասին: Ռեալ ժամանակի պայմաններում:

Գեղեցկության իմաստը սեր նվիրելն է:

Այլ նորություններ

«Սև ուրբաթ» vs. Առանց գնումների համաշխարհային օր
Առանց գնումների համաշխարհային օրը (անգլ. Buy Nothing Day) խորհրդանշում է ավելորդ սպառման դեմ բողոքը։ Այն նշվում է ամեն տարի նոյեմբերի վերջին, Սուրբծննդյան վաճառքների սկսվելու ավանդական շրջանում: Այս տարի այն նշվում է նոյեմբերի 25-ին և համընկնում է «Սև ուրբաթի» հետ։  :-) 1992 թ․-ին ԱՄՆ-ում սկիզբ առած նախաձեռնությունն առաջին հերթին ուղղված Է գերսպառման նվազեցմանը, ինչպես նաև աշխարհում նյութական բարիքների անհավասար բաշխման դեմ: Այդ օրը նախաձեռնության մասնակիցներին  առաջարկվում Է 24 ժամով հրաժարվել որևէ ապրանք ձեռք բերելուց: Ոմանք նույնիսկ մեկ…
Տեղադրված է 24.11.2022 , 12:38…  ավելին →

Այսօր կա մի առիթ բարձրացնելու քո սեփական և ուրիշների տրամադրությունը, քանի որ այսօր Գեղեցկության միջազգային օրն է, այսինքն` մեր բոլորիս օրը:

Գեղեցկության միջազգային օրը (International Beauty Day) նշվում է ամեն տարի սեպտեմբերի 9-ին: Այս նախաձեռնությունը պատկանում է Էսթետիկայի և դիմահարդարման միջազգային կոմիտեին (CIDESCO): Սկսած 1995թ.-ից ողջունվում է այն ամենը, ինչ համարվում է գեղեցիկ և մարդկանց պարգևում գեղագիտական և բարոյական բավարարություն: Այդ պատճառով էլ շատ երկրներում և քաղաքներում հենց այդ օրն էլ անցկացվում են գեղեցկության մրցույթներ:

Փոքրիկ պատմական փաստ +

Հետաքրքրական է, որ միշտ չէ, որ բոլոր մրցույթներին մասնակցում են 90-60-90 դասական համարվող չափանիշներին համապատասխանող կանայք և աղջիկներ: Ժյուրին նաև առանձնացնում է նրանց, ովքեր աչքի են ընկնում անկրկնելի գեղեցկությամբ և յուրահատուկ համակրելի արտաքինով:

3248234644_5f35caa7af_o

 

Բացի գեղեցկության մրցույթներից այդ օրը անցկացվում են տարբեր քայլարշավներ, միջոցառումներ և փառատոններ, որոնց մասնակցում են շատ տարբեր մարդիկ: Հատկապես խրախուսվում է նորաձևության ընդունված չափանիշներին չհամապատասխանող, ոչ ստանդարտ կամ նույնիսկ տարօրինակ արտաքին ունեցող մարդկանց մասնակցությունը:

Գեղեցկությունն երբեք չի ունեցել հստակ չափանիշներ և բնորոշումներ: Յուրաքանչյուր դարաշրջան ունեցել է գեղեցկության իր չափանիշը, որին և ձգտել են նմանվել: Ժամանակին գեղեցիկ են համարվել փարթամ կանայք (տես Ռուբենսի նկարները), այնուհետ գեղեցկուհիներ են համարվել նուրբ և նիհար կազմվածք ունեցող աղջիկներ, ինչպես, օրինակ՝ Օդրի Հեփբերնը: Իսկ որոշ աֆրիկյան և ասիական երկրների և ցեղերի գեղեցկության չափանիշները մեզ կարող են նույնիսկ տարօրինակ թվալ:

Համաձայնվի′ր, որ գեղեցկությունը շատ հարաբերական բան է 🙂  :

 

 

Իրականում, գեղեցկության իսկական իմաստը սեր նվիրելու մեջ է: Իսկ դա նշանակում է, որ մեզանից յուրաքանչյուրը գեղեցիկ է, հատկապես մեզ սիրող մարդու աչքերում:

 

Աղբյուր` Calend.ru: