Այսօր կա մի առիթ ավել բարձրացնելու քո սեփական և ուրիշների տրամադրությունը, քանի որ այսօր Գեղեցկության միջազգային օրն է, այսինքն` մեր բոլորիս օրը:

Գեղեցկության միջազգային օրը (International Beauty Day) նշվում է ամեն տարի սեպտեմբերի 9-ին: Այս նախաձեռնությունը պատկանում է Էսթետիկայի և դիմահարդարման միջազգային կոմիտեին (CIDESCO): Սկսած 1995թ.-ից ողջունվում է այն ամենը, որ համարվում է գեղեցիկ և մարդկանց պարգևում գեղագիտական և բարոյական բավարարություն: Այդ պատճառով էլ շատ երկրներում և քաղաքներում հենց այս օրն էլ անցկացվում են գեղեցկության մրցույթներ:

Հետաքրքրական է, որ միշտ չէ, որ բոլոր մրցույթներին մասնակցում են 90-60-90 դասական համարվող չափանիշներին համապատասխանող կանայք և աղջիկներ: Ժյուրին նաև առանձնացնում է նրանց, ովքեր աչքի են ընկնում անկրկնելի գեղեցկությամբ և յուրահատուկ համակրելի արտաքինով:

Բացի գեղեցկության մրցույթներից այդ օրվա ընթացքում անցկացվում են տարբեր քայլարշավներ, միջոցառումներ և փառատոններ, որոնց մասնակցում են շատ տարբեր մարդիկ: Հատկապես խրախուսվում է նորաձևության ընդունված չափանիշներին չհամապատասխանող, ոչ ստանդարտ կամ նույնիսկ տարօրինակ արտաքին ունեցող մարդկանց մասնակցությունը:

Գեղեցկությունն երբեք չի ունեցել հստակ հատկանիշներ և սահմանումներ: Յուրաքանչյուր դարաշրջան ունեցել է գեղեցկության իր չափանիշը, որին և ձգտել են նմանվել: Ժամանակին գեղեցիկ են համարվել փարթամ կանայք (տես Ռուբենսի նկարները), այնուհետ գեղեցկուհիներ են համարվել նուրբ և նիհար կազմվածք ունեցող աղջիկներ, ինչպես, օրինակ, Օդրի Հեփբերնը: Իսկ որոշ աֆրիկական և ասիական երկրներում և ցեղերում գեղեցկության չափանիշները կարող են նույնիսկ տարօրինակ թվալ:

Համաձայնվի′ր, որ գեղեցկությունը շատ հարաբերական բան է : 🙂

Իրականում, գեղեցկության իսկական իմաստը սեր նվիրելու մեջ է: Իսկ դա նշանակում է, որ մեզանից յուրաքանչյուրը գեղեցիկ է:

Աղբյուր` Calend.ru:

Ֆոտոն գտել ենք այստեղ: