Լավագույնը հարաբերությունների և սիրո մասին: Ռեալ ժամանակի պայմաններում:

Ի՞նչ դառնամ. մասնագիտությունը` բժիշկ

Այլ նորություններ

Կորոնավիրուս. առասպելներ և փաստեր
Կորոնավիրուսը չի սպառնում երեխաներին: Սա առասպել է: Երեխաների կարող են վարակվել և հիվանդանալ, չնայած ավելի թեթև կամ աննշան ախտանիշներ զարգացնել: Դեռ 2020թ.-ին հրատարակված ուսումնասիրությունը ցույց է տվել, որ թեև վարակված երեխաներն ունեն թույլ ախտանշաններ, այդուամենայնիվ, համավարակի շարունակման դեպքում դրա ազդեցությունը երեխաների և երիտասարդների կրթության, սնուցման և բարեկեցության վրա երկարաժամկետ հեռանկարում կարող է շրջադարձային լինել։ Որքան երկար է տևում ճգնաժամը, այնքան խորն է դրա ազդեցությունը երեխաների բարեկեցության վրա: :-( Կորոնավիրուսը չի տարածվում շոգ կլիմայի պայմաններում: Սա…
Տեղադրված է 01.11.2021 , 13:04…  ավելին →

Բժիշկ՝ մասնագետ, ով կանխարգելում, ախտորոշում և բուժում է հիվանդությունները, պահպանում և ամրապնդում մարդկանց առողջությունը: Բժշկի մասնագիտությունը պահանջում է ծայրաստիճան պատասխանատվություն, քանի որ նրան է վստահվում ամենաթանկը` մարդու կյանքն ու առողջությունը:

Անսահման բարի ու անձնվեր այս մասնագիտությունը դարեր ի վեր եղել և մնում է ամենահարգվածներից ու պահանջվածներից մեկը, և մրցակցությանը դիմակայելու համար քեզ պետք է զինես աշխատասիրությամբ ու համառությամբ։

Այժմ կփորձենք հնարավորինս օբյեկտիվորեն ներկայացնել բժիշկ կոչման 5 առավելությունները.

 Մարդկանց բուժելն ու կյանքի որակը լավացնելը շնորհակալ գործ է։ Իսկ բուժված մարդու աչքերի փայլը տեսնելը՝ իսկական երջանկություն։
 Պահանջված մասնագիտություն է։
 Զարգացնում է մարդու թե՛ հումանիտար, թե՛ բնագիտական հմտությունները։
 Մասնագիտության բնույթից ելնելով՝ շփումը տարբեր բնավորության տեր մարդկանց հետ շատ է, հետևաբար բժիկները նաև հոգեբաններ են և լավ են ճանաչում մարդկանց, ինչն առօրյա կյանքում շատ պետքական հմտություն է։
 ԲՈւՀ-ում ուսման ժամանակահատվածը հնարավորություն է ստեղծում ավելի երկար ժամանակ լինել ուսանող, հետո ամբողջ կյանքի ընթացքում շարունակաբար սովորել և միշտ երիտասարդ մնալ 😳 

 

Եվ միշտ հիշի՛ր՝ բժշկին ուղղորդող ուժը անսահման սերն է մարդու հանդեպ։ Եղե՛ք մարդասեր։

 

Մասնագիտական կողմնորոշման հարցում ձեզ օգնեցին Teenslive կամավորներ Lucy Gyulamiryan-ն ու @Արման Մկրտչյանը։