Լավագույնը հարաբերությունների և սիրո մասին: Ռեալ ժամանակի պայմաններում:

Չբացահայտված թռչող օբյեկտի օր

Այլ նորություններ

Ինչպես ճանաչել գերհոգնածությունը
Գերհոգնածությունը առաջանում է երկարատև ֆիզիկական կամ մտավոր ակտիվության հետևանքով։ Այն կարող է ի հայտ գալ հանկարծակի կամ աստիճանաբար և սովորաբար վերանում է հանգստից հետո։ Մտավոր հոգնածությունը նորմալ ճանաչողական գործունեության իրականացման ժամանակավոր անկարողություն է։ Սովորաբար զարգանում է աստիճանաբար։ Գերհոգնածության հոգեհուզական նշաններից են տրամադրության անկումը, ուշադրությունը պահպանելու և կենտրոնանալու դժվարությունը, քնկոտությունը, քնի և ախորժակի խանգարումները, սովորելու դժվարությունները, սոցիալական շփումների խանգարումը, հաճույքի և բավարարվածության զգացումի կորուստը։ :-( Ֆիզիկական հոգնածությունը կապված է ֆիզիկական աշխատանքի հետ։ Թեթևակի հոգնածության նշաններն են՝…
Տեղադրված է 16.02.2024 , 13:26…  ավելին →

Հուլիսի 2-ին նշվում է մի տարօրինակ տոն՝ չբացահայտված թռչող օբյեկտի օր (World UFO Day) 🙂

UFO հապավումը առաջացել է անգլերենից՝ Unidentified Flying Object, իսկ ռուսերեն այն անվանում են  НЛО – «Неопознанный летающий объект»:

Այդ օրը նվիրված է բոլոր նրանց, ովքեր ուսումնասիրում են տարօրինակ, տրամաբանական բացատրություն չունեցող երևույթներ և չբացահայտված, հավանաբար՝ այլմոլորակային ծագման օբյեկտներ:

Ուֆոլոգիան գիտություն է այդ երևույթների մասին, որը, սակայն, պաշտոնապես ընդունված չէ:

 

Չբացահայտված թռչող օբյեկտը (ՉԹՕ) երկնքում հանդիպող անսովոր մարմին է, որը դիտորդի կողմից ճանաչելի չէ որպես մարդկությանը հայտնի որևէ առարկա։

Չնայած հապավումը վերաբերվում է ցանկացած անհայտ թռչող օբյեկտի, այն հաճախ որպես հոմանիշ է օգտագործվում օտար տիեզերանավի բնութագրելիս։

ՉԹՕ-ների կողմնակիցները առաջ են քաշում այն վարկածը, որ քանզի այս առարկաները տեխնիկական, այլ ոչ թե բնական երևույթ են, և տեսքով ու թռիչքի բնույթով անհայտ են գիտությանը, դրանք չեն կարող Երկիր մոլորակից լինել։

ՉԹՕ-ների վերաբերյալ հետաքրքրությունն առաջացել է Երկրորդ համաշխարհային պատերազմից հետո։ 1947-ին հունիսին ամերիկացի օդաչու Քենեթ Առնոլդը Վաշինգտոնի մերձակայքում սարերի վրայով թռչելիս օդում տեսավ մեծ արագությամբ սլացող 9 տարօրինակ օբյեկտ, որոնք նա նմանեցրեց ափսեների (այդտեղից էլ եկավ «թռչող ափսե» արտահայտությունը): 🙂

Նույն 1947 թվականին ամերիկյան Ռոզվել քաղաքում ընկավ առաջին չճանաչված թռչող օբյեկտը  (Roswell UFO Incident), և հենց այդ ժամանակից ի վեր կառավարությունները սկսեցին ուսումնասիրել ՉԹՕ-ների մասին զեկույցներ, հաճախ զինվորական տեսանկյունից, և ՉԹՕ-ների հետազոտողները սկսեցին ուսումնասիրել, գրել և նույնիսկ կազմակերպություններ ստեղծել` նվիրված ՉԹՕ-ներին։

Ինչպե՞ս են այն տոնում.

Չնայած մինչ այսօր չկան հստակ ապացույցներ ՉԹՕ-ի վերաբերյալ, ամեն տարի հուլիսի սկզբին Ռոզվել քաղաք ժամանում են հազարավոր զբոսաշրջիկներ և ուֆոլոգներ՝ մասնակցելու հատուկ փառատոնին, որի շրջանակներում անցկացվում են սեմինարներ, դասախոսություններ, ցուցահանդեսներ, վաճարվում են թեմատիկ հուշանվերներ, կազմակերպվում է «այլմոլորակայինների» դիմակահանդես և շքերթ: 😊