Լավագույնը հարաբերությունների և սիրո մասին: Ռեալ ժամանակի պայմաններում:

«Բիթլզի» համաշխարհային օր

Այլ նորություններ

Կրկին մասնագիտությունների մասին
Նոր ժամանակները պահանջում են նոր մասնագիտություններ և նոր հմտություններ: Այսօր կխոսենք շուկայում պահանջված` գովազդի ոլորտին առնչվող մասնագիտությունների մասին: Մեր օրերում գովազդով կարելի է լավ գումար վաստակել: :-) Ի դեպ, միշտ չէ, որ այս ոլորտում աշխատելու համար պետք է հատուկ կրթություն ստանալ: Արտադրանքի կամ ծառայության պրոմոութերը ապրանքի հանդեպ հետաքրքրությունը և հետևաբար` վաճառքը խթանում է ճիշտ խորհրդատվության, տարբեր գայթակղիչ ակցիաների և սեփական օրինակով ցուցադրելու միջոցով: Ի դեպ, այսպես վարվում են հաջողված բլոգերներ` մարդիկ, որոնք սեփական էջն ունեն…
Տեղադրված է 29.07.2021 , 13:52…  ավելին →

1957 թ.-ի հունվարի 16-ին Լիվերպուլում ստեղծվեց The Cavern ակումբը, որտեղ 1960 թ.-ից իրենց երաժշտական ուղին սկսեցին Ջոն Լենոնը, Փոլ Մաքարթնին,  Ջորջ Հարիսոնը, իսկ ավելի ուշ նրանց միացավ նաև Ռինգո Սթարը: Բոլոր ժամանակների մեծագույն այս խումբը միակն է, որ արժանացել է ՅՈւՆԵՍԿՕ-ի ուշադրությանը, և 2001-ից ի վեր հունվարի 16-ը նշվում է որպես «Բիթլզի» համաշխարհային օր (World Beatles Day):

Հանրահայտ լիվերպուլյան քառյակի երգարվեստը ռեկորդային ու պատմական նշանակություն է ունեցել համաշխարհային երաժշտական արվեստում: 20-րդ դարի վաթսունականների յուրահատուկ երաժշտական ճիչը ցնցեց ողջ աշխարհը: «Բիթլզ»-ը կարողացավ կոտրել բոլոր կարծրատիպերը ու ստեղծել մի նոր ու մինչ այդ չլսված բացառիկ երգարվեստ: Շատ ճանաչված ռոք երաժիշտներ խոստովանում են, որ դարձել են այդպիսին «Բիթլզի» ազդեցությամբ:

1963 թ.-ին աշխարհում սկսեցին օգտագործել բիթլոմանիա (բիթլամոլություն) բառը: Rolling Stone ամսագիրը Tհe Beatles խմբին համարում է բոլոր ժամանակների համար առաջին ռոք-խումբ: Այն արժանացել է «Գրեմիի» 10 մրցանակի: Միայն 2001թ.-ին ԱՄՆ-ու վաճառվել է խմբի 163 միլիոն հոլովակ: Աշխարհի 100 լավագույն սինգլների մեջ «Բիթլս»-ը երկար տարիներ եղել է առաջին հորիզոնականներում, և նույնիսկ մինչ օրս էլ մնում է բարձր դիրքերում:

Սիրո և ազատության թեման առանցքային էին խմբի ստեղծագործական կյանքում, և աշխարհի տարբեր ծայրամասերում ճանաչում և սիրում են “Love Me Do”, “Yesterday”, “A Day in the Life”, “The End” և այլ ստեղծագործությունները:

Մինչ օրս էլ «Բիթլզ» խմբին ընդունում են որպես առանձնահատուկ երևույթ, նրան լսում են տարբեր տարիքի մարդիկ: Փաբեր, բառեր, հասարակական մի շարք հաստատություններ են անվանվել այս խմբի և նրանց անդամների անուններով:

 

Աղբյուր` https://multimediathursday2017.wordpress.com/2017/11/#: