Լավագույնը հարաբերությունների և սիրո մասին: Ռեալ ժամանակի պայմաններում:

Այսօր Գիտության միջազգային օրն է

Այլ նորություններ

Ինչ անել արձակուրդներին
Ահա և եկավ երկար սպասված ամառը: Շատերի մոտ հարց է առաջանում՝ ինչո՞վ զբաղվել։ Չէ՞ որ ամառվա ամիսներին ճիշտ զբաղվածությունը նպաստում է ոչ միայն ուժերի վերակագնմանը և վերալիցքավորմանը, այլ նաև անձի զարգացմանը, նոր հետաքրքրությունների բացահայտմանը։ Ամբողջ օրը վիրտուալ տիրույթում անցկացնելն այդքան էլ նպատակահարմար է, քանի որ իրական աշխարհում ևս կան շատ հետաքրքիր զբաղմունքներ։ 😊 Առաջարկում ենք մի քանի տարբերակ․ 1․ Սպորտ, լող, պար․ ամառվա արձակուրդներին չարժե հրաժարվել սպորտային պարապմունքներից, հակառակը՝ կարող եք ավելի շատ ժամանակ տրամադրել…
Տեղադրված է 10.06.2024 , 11:00…  ավելին →

Նոյեմբերի 10-ին աշխարհը նշում է Հանուն խաղաղության և զարգացման գիտության միջազգային օրը (World Science Day for Peace and Development)։

1999 թ. Բուդապեշտում Համաշխարհային գիտական կոնֆերանսի ժամանակ (World Science Forum) խոսվել էր հասարակության և գիտության միջև առավել սերտ համագործակցության անհրաժեշտության մասին և որոշվել է հատուկ օր նվիրել գիտությանը։ Կոնֆերանսի արդյունքում ՅՈՒՆԵՍԿՕ-ն պաշտոնապես հաստատել է Գիտության միջազգային օրը և հատուկ շեշտադրվել է գիտության նվաճումների օգտագործումը խաղաղ նպատակներով` հանուն մարդկության զարգացման:

 

Գիտությունը ճանաչողական գործունեության հատուկ տեսակ է՝ ուղղված բնության և հասարակության վերաբերյալ օբյեկտիվ, համակարգված և հիմնավորված գիտելիքների ստացմանը, ճշտմանը և ստեղծմանը։

Այս գործունեության հիմքը գիտական փաստերի հավաքածուն է, նրանց պարբերաբար թարմացումը և համակարգումը, կրիտիկական վերլուծությունը և այդ հիմքի վրա նոր գիտական գիտելիքների սինթեզը կամ ամփոփումը գիտնականների կողմից, որոնք ոչ միայն բնութագրում են դիտարկվող բնական կամ հասարակական երևույթները, այլ նաև թույլ են տալիս կառուցել պատճառահետևանքային կապեր և կանխատեսումներ անել։

2019թ.-ի օրվա խորհուրդն է “Open science, leaving no one behind” կամ «Բաց գիտություն, ոչ ոքի հետևում չթողնելով»: Դա նշանակում է, որ գիտությունը պետք է լինի բաց և հասանելի ոչ միայն գիտական հանրության, այլ ողջ հասարակության համար:

Գիտության մասսայականացումը ժամանակակից և հասանելի ձևով՝ գիտական իմացությունների տարածումն է մարդկանց ավելի լայն շերտերի շրջանում։ Գիտության մասսայականացումը մասնագիտական տեղեկատվության վերափոխումն է այն լեզվին, որն ավելի մատչելի է հասարակության համար։ Գիտության մասսայականացման խնդիրն է վերափոխել այսպես կոչված «ձանձրալի և չոր» գիտական տեղեկատվությունը հետաքրքիր, հասկանալի և հասանելի բոլորին տեղեկատվությամբ։