Լավագույնը հարաբերությունների և սիրո մասին: Ռեալ ժամանակի պայմաններում:

Արջամկան օր

Այլ նորություններ

Քո կարծիքը կարևոր է. հարցում
Սիրելի´ դեռահասներ, «Արաբկիր» բժշկական համալիր-Երեխաների և դեռահասների առողջության ինստիտուտը ՄԱԿ-ի Բնակչության հիմնադրամի, Առողջապահության նախարարության հետ համատեղ դեռահասներին տրամադրվող ծառայությունների բարելավման նպատակով, հարցում է իրականացնում  դեռահասների շրջանում։ Ինչու՞ դեռահասները չեն ուզում այցելել բժշկի, ի՞նչ է պետք բարելավել, ինչպե՞ս․․․ Հարգելի՛ դեռահասներ, խնդրում ենք ակտիվ մասնակցել առցանց հարցմանը: Ձեր պատասխանները շատ կարևոր են, և թույլ կտան ավելի լավ կազմակերպել բուժօգնությունը: Դարձրե´ք ձեր ձայնը լսելի: ! Հարցերն ուղղված են 10-19 տարեկաններին։ Հարցումը հասանելի է այս հղումով` https://docs.google.com/.../1hjpf4Y0u3cveJAPXhcCv.../edit
Տեղադրված է 22.09.2021 , 14:36…  ավելին →

Փետրվարի 2-ին ԱՄՆ-ում նշում են յուրօրինակ ավանդական ժողովրդական տոն՝ Արջամկան օրը (Groundhog Day, День Сурка): Թե որքան կձգվի ձմեռը, կպատասխանի «ժողովրդական օդերևութաբան»` Ֆիլ անունով արջամուկը: Արջամկան օրը նշվում է յուրաքանչյուր տարի ԱՄՆ-ի և Կանադայի բազմաթիվ քաղաքներում և գյուղական վայրերում: Ֆիլ արջամուկը եղանակը կանխագուշակող ամենահայտնի արջամուկն է, իսկ արջամկները եղանակը կանխագուշակում են սկսած 1887 թվականից:

Կա վարկած, որ այս ավանդույթը գալիս է դեռ Հին Հռոմից: Այնտեղ նշում էին Ոզնու օրը և հետևում էին, թե ինչպես է նա արթնանում ձմռան խոր քնից: Եթե ոզնին տեսնում էր իր ստվերը, ապա ձմռան ավարտին դեռ շատ ժամանակ կար: Արևմտյան Եվրոպայի ժողովուրդները պահպանեցին ավանդույթը, և երբ մարդիկ հետագայում հաստատվեցին Ամերիկա մայրցամաքում, իրենց հետ բերեցին նաև այդ ավանդույթը: Քանի որ այստեղ ոզնի չկար, եղանակի տեսաբանի դերն իր վրա վերցրեց արջամուկը 🙂 :

Ամեն տարի այդ օրը կենդանուն հանում են իր բնից, որտեղ նա քնում է ձմռան ընթացքում՝ ճշտելու, թե երբ է գալու գարունը: Ժողովրդական սովորույթն ասում է, որ եթե «մարգարեն» տեսնի իր սեփական ստվերը, ապա տաքանալուն պետք է սպասել ևս 6 շաբաթ: Եթե ամպոտ եղանակ լինի, արջամուկը չի տեսնի իր ստվերը, ուրեմն գարունը սարերի ետևում չէ:

Ինչպես ապացուցում է վիճակագրությունը, արջամկները ժլատ են լավատեսական կանախատեսումներում 🙂 : Այնուամենայնիվ, այդ օրը կազմակերպվում են տոնախմբություններ, որոնք գրավում են մեծ թվով զբոսաշրջիկների։

 

Այդ հետաքրքիր ավանդույթը ներկայացվում է հանրաճանաչ «Արջամկան օրը» ամերիկյան ֆիլմում: