Լավագույնը հարաբերությունների և սիրո մասին: Ռեալ ժամանակի պայմաններում:

Ամենա…աշխարհի ամենահին կոշիկը

Այլ նորություններ

Ինչպե՞ս ասել «Ոչ»
Արդյոք եղե՞լ են իրավիճակներ, երբ դու ստիպված ես եղել անել մի բան, ինչը քեզ դուրեկան չէր: Օրինակ,  պատրաստվում ես դիտել տեսաֆիլմ կամ գնալ մարզասրահ, իսկ ընկերդ խնդրում է օգնել դասերի հետ: Դու ստիպված օգնում ես ընկերջոդ, բայց հոգու խորքում նեղվում ես այդ իրավիճակից: :-( «Ո′չ» ասելը շատ կարևոր է մեր անձնական սահմանները պաշտպանելու համար։ Անձնական սահմանը՝ այն տարածությունն է, որը մենք դնում ենք ուրիշների հետ ընդունելի հարաբերությունները կարգավորելիս: Դա անտեսանելի գիծ է, որը բաժանում է…
Տեղադրված է 23.01.2023 , 12:38…  ավելին →

Իսկ դուք գիտե՞ք, որ աշխարհի ամենահին կոշիկը հայտնաբերվել է Հայաստանում` Վայոց Ձորի Արենի գյուղի մոտակայքում գտնվող «Թռչունների քարայր» կոչվող տեղանքի հնագիտական պեղումների ժամանակ:

Աջ ոտքի համար հարմարեցված և խոտով լցոնված կոշիկը բավական փոքր չափի է, համապատասխանում է կոշիկների ժամանակակից եվրոպական չափսի 37 համարին։ Կոշիկը պատրաստված է կովի կաշվի կտորից, այն հետևի և առջևի մասերում բացված մի շարք անցքերով անցկացված քուղերով կապվել է ոտքին։ Կոշիկը ներբան չի ունեցել, և ամենայն հավանականությամբ քարքարոտ վայրերում նրա բարակ կաշվե ներբանը կարող էր հեշտությամբ պատառոտվել։

Հայկական կոշիկը հայտնաբերած հնագիտական թիմի ղեկավարը՝  Իռլանդիայի Քորք համալսարանի հնագետ Փինհասին համարում է, որ կոշիկի մեջ հայտնաբերված խոտը լցրել են, որպեսզի ոտնամանը պահպանի իր ձևը։ Լաբորատոր փորձաքննությամբ որոշվել է, որ հնադարյան կոշիկը շուրջ 5.500 տարեկան է։ Ավելի հին կոշիկներ՝ սանդալներ, հայտնաբերվել են ԱՄՆ-ում՝ Միսսուրիի քարանձավում: Այն, սակայն, բուսական նյութից է պատրաստաված եղել։

Կոշիկը տեղափոխվել է Հայաստանի պատմության թանգարան։